ವೇಣೂರು: ಪಿಎಂಶ್ರೀ ಕೆಪಿಎಸ್ ಬಜಿರೆ ಶಾಲೆಯಲ್ಲಿ ನಡೆದ ವಲಯ ಮಟ್ಟದ ಪ್ರಾಥಮಿಕ ಶಾಲಾ ವಿಭಾಗ ಮಟ್ಟದ ಕ್ರೀಡಾಕೂಟದಲ್ಲಿ ಸರಕಾರಿ ಉನ್ನತಿಕರಿಸಿದ ಪ್ರಾಥಮಿಕ ಶಾಲೆ ಆರಂಬೋಡಿ ವಿದ್ಯಾರ್ಥಿಗಳು ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಪ್ರಶಸ್ತಿಗಳನ್ನು ಪಡೆದಿರುತ್ತಾರೆ.
ಶಾಲಾ ವಿದ್ಯಾರ್ಥಿಗಳಾದ ಅಶೂರ 600ಮೀ ಮತ್ತು 400 ಮೀ ಓಟದಲ್ಲಿ ಪ್ರಥಮ, 200ಮೀ ಓಟದಲ್ಲಿ ತೃತೀಯ, ನಿಹಾಲ್ 400 ಮೀ ಓಟ, 100 ಮೀ ಹರ್ಡಲ್ಸ್ ಪ್ರಥಮ ಮತ್ತು ಲಾಂಗ್ ಜಂಪ್ ತೃತೀಯ, ಫಾತಿಮಾಸಲ್ವಾ ಲಾಂಗ್ ಜಂಪ್ ಪ್ರಥಮ, ಮೋಕ್ಷ 400ಮೀ ನಲ್ಲಿ ತೃತೀಯ ಸ್ಥಾನವನ್ನು ಪಡೆದಿರುತ್ತಾರೆ.
ಇವರಿಗೆ ಮಹಾವೀರ ಜೈನ್ ವೇಣೂರು ಕಜೆ ಅವರು ತರಬೇತಿಯನ್ನು ನೀಡಿರುತ್ತಾರೆ. ಪ್ರಶಸ್ತಿ ಪಡೆದ ವಿದ್ಯಾರ್ಥಿಗಳಿಗೆ ಶಾಲಾ ಎಸ್.ಡಿ.ಎಂ.ಸಿ ಅಧ್ಯಕ್ಷರು ಹಾಗೂ ಸರ್ವ ಸದಸ್ಯರು ಅಭಿನಂದನೆಗಳನ್ನು ಸಲ್ಲಿಸಿರುತ್ತಾರೆ.
