ಬೆಳ್ತಂಗಡಿ: ಬ್ಯೂಟಿ ಪಾರ್ಲರ್ ಮಾಲಕರ ಅಸೋಸಿಯೇಷನ್ ಬೆಳ್ತಂಗಡಿ ತಾಲೂಕು ಇದರ ಮಹಾಸಭೆಯು ನ.12 ರಂದು ಬೆಳ್ತಂಗಡಿ ಜೆ.ಸಿ ಭವನದಲ್ಲಿ ಅಸೋಸಿಯೇಷನ್ ಅಧ್ಯಕ್ಷೆ ಶಾಂತಾ ಜೆ. ಬಂಗೇರ ಇವರ ಅಧ್ಯಕ್ಷತೆಯಲ್ಲಿ ಎಲ್ಲಾ ಸದಸ್ಯರ ಉಪಸ್ಥಿತಿಯಲ್ಲಿ ನಡೆಯಿತು.
ಸಭೆಯನ್ನು ಪ್ರಾರ್ಥನೆಯೊಂದಿಗೆ ಪ್ರಾರಂಭಿಸಿ, ಉಪಾಧ್ಯಕ್ಷೆ ರಶ್ಮಿತಾ ಸ್ವಾಗತಿಸಿದರು. ಕಾರ್ಯದರ್ಶಿ ಸುನಿತಾ ಬಿಜುರವರು ವಾರ್ಷಿಕ ವರದಿ ಒಪ್ಪಿಸಿ, ಕೋಶಾಧಿಕಾರಿ ವಿಶಾಲರವರು ವಾರ್ಷಿಕ ಲೆಕ್ಕ ಪತ್ರ ಮಂಡಿಸಿದರು. ನಂತರ ಸಂಘದ ಗ್ರಾಮಾಭಿವೃದ್ಧಿ ಬಗ್ಗೆ ಚರ್ಚೆ ನಡೆದು ಮುಂದಿನ ಕಾರ್ಯಕಾರಣಿ ಸಮಿತಿಯ ಆಯ್ಕೆಯ ಬಗ್ಗೆ ನಿರ್ಣಯಿಸಲಾಯಿತು. ಮುಂದಿನ ಅವಧಿಗೆ ಸದಸ್ಯರನ್ನು ಸರ್ವಾನುಮತದಿಂದ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.
ಅಧ್ಯಕ್ಷರಾಗಿ ಬೆಳ್ತಂಗಡಿ ದಿಯಾ ಬ್ಯೂಟಿ ಪಾರ್ಲರ್‌ನ ರಶ್ಮಿತಾ ಆಳ್ವ, ಉಪಾಧ್ಯಕ್ಷರಾಗಿ ಬೆಳ್ತಂಗಡಿ ಸೌಂದರ್ಯ ಬ್ಯೂಟಿ ಪಾರ್ಲರ್‌ನ ಶ್ರೀಮತಿ ವಿದ್ಯಾ, ಕಾರ್ಯದರ್ಶಿಯಾಗಿ ಅಳದಂಗಡಿ ಸತ್ಯಶ್ರೀ ಬ್ಯೂಟಿ ಪಾರ್ಲರ್‌ನ ಶ್ರೀಮತಿ ವಿನುಷಾ, ಕೋಶಾಧಿಕಾರಿಯಾಗಿ ಬೆಳ್ತಂಗಡಿ ಲವ್ಲೀ ಬ್ಯೂಟಿ ಪಾರ್ಲರ್‌ನ ಗ್ರೇಸಿ ಲೋಬೊ, ಜೊತೆ ಕಾರ್ಯದರ್ಶಿಯಾಗಿ ಗುರುವಾಯನಕೆರೆಯ ಸ್ಟ್ಯಾಂಡರ್‍ಡ್ ಬ್ಯೂಟಿ ಪಾರ್ಲರ್‌ನ ಶಕೀಳಾ, ಗೌರವ ಸಲಹೆಗಾರರಾಗಿ ಬೆಳ್ತಂಗಡಿ ಭವಿಷ್ಯ ಬ್ಯೂಟಿ ಪಾರ್ಲರ್‌ನ ಶರ್ಮಿಳಾ ಮೊರಸ್ ಹಾಗೆಯೇ ಉಳಿದ ಕಾರ್ಯಕಾರಣಿ ನಿರ್ದೇಶಕರನ್ನು ಆಯ್ಕೆಮಾಡಲಾಯಿತು.
