ಇಂದಬೆಟ್ಟು: ಕಜೆ ಶಾಂತಿನಗರ ಹಾಲು ಉತ್ಪಾದಕರ ಸಹಕಾರ ಸಂಘದ ಮುಂದಿನ 5 ವರ್ಷದ ಅವಧಿಗೆ ಆಡಳಿತ ಮಂಡಳಿಯ ಚುನಾವಣೆ ನಡೆದಿದ್ದು, ನಾಮ ಪತ್ರ ಸಲ್ಲಿಸಿದ ಎಲ್ಲಾ ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ
ಮಾಜಿ ಅಧ್ಯಕ್ಷರಾದ ಉಮೇಶ್ ಗೌಡ ಮತ್ತು ಉಪಾಧ್ಯಕ್ಷೆಯಾಗಿದ್ದ ಪ್ರೇಮಲತಾ ರವರನ್ನು ಮುಂದಿನ 5 ವರ್ಷದ ಅವಧಿಗೆ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರಾಗಿ ಮರು ಚುನಾಯಿಸಲಾಯಿತು..
ಚುನಾವಣೆ ಪ್ರಕ್ರಿಯೆಯಲ್ಲಿ ಚುನಾವಣಾಧಿಕಾರಿಯಾಗಿ(ರಿಟರ್ನಿಂಗ್ ಅಧಿಕಾರಿ) ಪ್ರತಿಮಾ ಭಾಗವಹಿಸಿ ಫಲಿತಾಂಶ ಘೋಷಿಸಿದರು.
ನೂತನ ಅಧ್ಯಕ್ಷರಾಗಿ ಉಮೇಶ್ ಗೌಡ, ಉಪಾಧ್ಯಕ್ಷರಾಗಿ ಪ್ರೇಮಲತಾ, ಸದಸ್ಯರಾಗಿ ಸಂಜೀವ ಗೌಡ ಮನ್ನಡ್ಕ, ಶಿವಪ್ರಸಾದ್ ಕೊಡಂಗೆ, ಕೆ. ಬೇಬಿ, ಕೆ. ಸುರೇಶ್, ರಾಜಶೇಖರ, ಪೂಜಶ್ರೀ, ರಾಜೇಶ್ ಗೌಡ ಅಲೆಕ್ಕಿ ಕನ್ಯಾಡಿ, ನೋಣಯ್ಯ ಗೌಡ ಕನ್ಯಾಡಿ, ಯತೀಶ್ ಗೌಡ, ಸುವರ್ಣಲತಾ ಕಡಿರುದ್ಯಾವರ ಆಯ್ಕೆಯಾದರು.
