ಪಣಕಜೆ ಹಾಲು ಉತ್ಪಾದಕರ ಸಹಕಾರ ಸಂಘದ 2025-26ನೇ ಸಾಲಿನ ಸದಸ್ಯರ ವಾರ್ಷಿಕ ಸಾಮಾನ್ಯ ಸಭೆ ಸಂಘದ ಅಧ್ಯಕ್ಷ ಹರೀಶ್ ಪೂಜಾರಿಯವರ ಅಧ್ಯಕ್ಷತೆಯಲ್ಲಿ ಸೆ.24 ರಂದು ಶ್ರೀ ಕೃಷ್ಣ ಭಜನಾ ಮಂದಿರದ ಸಭಾಭವನದಲ್ಲಿ ನಡೆಯಿತು.
ಸಂಘದ ಅಧ್ಯಕ್ಷ ಹರೀಶ್ ಪೂಜಾರಿ ಮಾತನಾಡಿ ಒಕ್ಕೂಟದ ಅನುದಾನದ ಸೌಲಭ್ಯವನ್ನು ಪಡೆದುಕೊಂಡು ಹೆಚ್ಚು ಹಾಲನ್ನು ಪೂರೈಸುವಂತೆ ಸೂಚಿಸಿದರು. 2025-26 ನೇ ಸಾಲಿನಲ್ಲಿ ರೂ. 3,64,688.98 ಲಾಭ ಬಂದಿದ್ದು, ಇದರಲ್ಲಿ ಶೇ.65 ಬೋನಸ್ ನಂತೆ ಸದಸ್ಯರಿಗೆ ಪ್ರತೀ ಲೀಟರ್ ಗೆ 0.54 ಪೈಸೆಯಂತೆ ಬೋನಸ್ ನ್ನು ನೀಡಲಾಗುವುದು ಮತ್ತು ಶೇ.15 ರಷ್ಟು ಡಿವಿಡೆಂಟ್ ನೀಡುವುದೆಂದು ತಿಳಿಸಿದರು.
ಅತೀ ಹೆಚ್ಚು ಹಾಲನ್ನು ಪೂರೈಸಿದ ರೈತರಾದ ಜನಾರ್ದನ ಮೂಲ್ಯ, ಯೋಗೀಶ್ ಪೂಜಾರಿ, ಹರೀಶ್ ಪೂಜಾರಿ, ಚಂದ್ರಿಕಾ, ಮಥಾಯಸ್ ಡಿಕುನ್ಹ ಮತ್ತು ಕೇಶವ ಶೆಟ್ಟಿ ರವರನ್ನು ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಸಂಘದ ಸ್ಥಾಪಕಾಧ್ಯಕ್ಷ ಪದ್ಮನಾಭ ಶೆಟ್ಟಿ ಅರ್ಕಜೆ, ಸಂಘದ ಉಪಾಧ್ಯಕ್ಷ ಗಣೇಶ್ ಪ್ರಭು, ಮೈಕಲ್ ಡಿಸೋಜಾ, ದಿನೇಶ್ ಪ್ರಭು, ಕೇಶವ ಮೂಲ್ಯ, ಚಂದ್ರ, ಶಿವರಾಜ್ ಶೆಟ್ಟಿ, ಲೂಸಿ ಡಿಸೋಜಾ, ಭವ್ಯ, ಉಪಸ್ಥಿತರಿದ್ದರು.
ಸಂಘದ ಉಪಾಧ್ಯಕ್ಷ ಸಿರಿಲ್ ಸಿಕ್ವೇರಾ ಸ್ವಾಗತಿಸಿದರು. ಕಾರ್ಯದರ್ಶಿ ರೋಹಿತ್ ವರದಿ ವಾಚಿಸಿದರು. ನಿರ್ದೇಶಕ ಅರುಣ ಬಂಗೇರ ಧನ್ಯವಾದ ನೀಡಿದರು. ಹಾಲು ಪರೀಕ್ಷಕ ಹರೀಶ್ ಪ್ರಭು ಸಹಕರಿಸಿದರು.
