ಪುಂಜಾಲಕಟ್ಟೆ: ಗೆಳೆಯರ ಬಳಗ ಸಹಕಾರ ಸಂಘ ನಿಯಮಿತ ಪುಂಜಾಲಕಟ್ಟೆ ಇದರ ಉದ್ಘಾಟನೆಯು ನ.1 ರಂದು ಅಮೀರ್ ಕಾಂಪ್ಲೆಕ್ಸ್ ಪುಂಜಾಲಕಟ್ಟೆಯಲ್ಲಿ ನಡೆಯಲಿದೆ.
ಗೆಳೆಯರ ಬಳಗ ಸೇವಾ ಸಂಸ್ಥೆ ನಯನಾಡು ನೂರಾರು ಸಾಮಾಜಿಕ ಸೇವೆಗಳನ್ನು ನಡೆಸಿಕೊಂಡು ಬಂದಿದ್ದು, ಈ ಸಂಸ್ಥೆ ಆರೋಗ್ಯ ಮತ್ತು ಶಿಕ್ಷಣ ಕ್ಷೇತ್ರದಲ್ಲಿ ಯಾರೂ ಊಹಿಸದ ರೀತಿಯಲ್ಲಿ ಸಾಮಾಜಿಕ ಸೇವೆಯನ್ನು ನಡೆಸಿದೆ. ನಯನಾಡು ಗೆಳೆಯರ ಬಳಗ ಸೇವಾ ಸಂಸ್ಥೆ ಟ್ರಸ್ಟ್ ಸಾಧನೆ ಅಪಾರ. ಸಾಮಾಜಿಕ ಸೇವೆಯಲ್ಲಿ ಮುಂಚೂಣಿಯಲ್ಲಿರುವ ಪಿಲಾತ್ತಬೆಟ್ಟು ಗ್ರಾಮದ ನಯನಾಡು ಗೆಳೆಯರ ಬಳಗ ಸೇವಾ ಸಂಸ್ಥೆ ಟ್ರಸ್ಟ್ 2025ನೇ ಸಾಲಿನಲ್ಲಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿಯನ್ನು ಪಡೆದಿದೆ.
ಈ ಸಂಸ್ಥೆಯ ಗೆಳೆಯರ ಬಳಗ ಸಹಕಾರ ಸಂಘ ನಿ. ದ ನೂತನ ಪದಾಧಿಕಾರಿಗಳ ಆಯ್ಕೆಯು ಇತ್ತೀಚೆಗೆ ನಡೆಯಿತು. ಸಂಘದ ನೂತನ ಅಧ್ಯಕ್ಷರಾಗಿ ನೆಲ್ವಿಸ್ಟರ್ ಗ್ಲಾನ್ ಪಿಂಟೊ, ಗೌರವ ಸಲಹೆಗಾರರಾಗಿ ಜೊಯಲ್ ಲೋಬೋ, ಉಪಾಧ್ಯಕ್ಷರಾಗಿ ಅನಿಲ್ ರೋಶನ್ ಮೊರಾಸ್ ಆಯ್ಕೆಯಾಗಿದ್ದಾರೆ.
ನಿರ್ದೇಶಕರಾಗಿ ಮಧುಕರ ಶೆಟ್ಟಿ ಕೆ, ಜೀವನ್ ಫೆರ್ನಾಂಡಿಸ್, ವಸಂತ ಸಾಲಿಯಾನ್, ಪ್ರೇಮ್ ಲಾಯ್ಡ್ ಮಿರಾಂದ, ಲೋಕೇಶ್, ಅವಿಲ್ ಮೊರಾಸ್, ಜೋಯ್ಸ್ ಪಿಂಟೋ, ಸಂತೋಷ್ ಫೆರ್ನಾಂಡಿಸ್, ಡೈನಾ ಶರಲ್ ಡಿಸೋಜ ಆಯ್ಕೆ ಗೊಂಡಿದ್ದು, ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಡೋನ್ ಪ್ರವೀಣ್ ಕ್ರಾಸ್ತ ನೇಮಕಗೊಂಡಿದ್ದಾರೆ.
