ಬೆಳ್ತಂಗಡಿ; ನೂರುಲ್ ಇಸ್ಲಾಂ ಜುಮ್ಮಾ ಮಸ್ಜಿದ್ ಮತ್ತು ಮದರಸ ಅಳದಂಗಡಿ ಇದರ ವಾರ್ಷಿಕ ಮಹಾಸಭೆ ಅ.30 ರಂದು ನಡೆದು ನೂತನ ಆಡಳಿತ ಮಂಡಳಿಯ ರಚಿಸಲಾಯಿತು.
ಜಮಾಅತ್ ಖಾಝಿ ಇಂಡಿಯನ್ ಗ್ರ್ಯಾಂಡ್ ಮುಫ್ತಿ ಶೈಖುನಾ ಸುಲ್ತಾನುಲ್ ಉಲಮಾ ಎ.ಪಿ ಅಬೂಬಕ್ಕರ್ ಮುಸ್ಲಿಯಾರ್ ಕಾಂತಪುರಂ ಅವರ ನಿರ್ದೇಶನುಸಾರ ಜಮಾಅತ್ ಗೌರವಾಧ್ಯಕ್ಷ ಸಯ್ಯಿದ್ ಝೈನುಲ್ ಆಬಿದೀನ್ ಜಮಲುಲ್ಲೈಲಿ ತಂಙಳ್ ಕಾಜೂರು ಇವರ ನೇತೃತ್ವದಲ್ಲಿ ಜುಮಾ ನಮಾಜ್ ಬಳಿಕ ಮಹಾಸಭೆಯ ಪ್ರಕ್ರೀಯೆಗಳು ನಡೆದವು.
ಅಧ್ಯಕ್ಷತೆಯನ್ನು ಮಬ್ಯಾಝ್ ಸುಂಕದಕಟ್ಟೆ ವಹಿಸಿದ್ದರು. ಈ ಸಂದರ್ಭದಲ್ಲಿ ಸಮಿತಿ ರಚಿಸಲಾಗಿ ನೂತನ ಅಧ್ಯಕ್ಷರಾಗಿ ಉದ್ಯಮಿ ಅಬ್ದುಲ್ ಅಝೀಝ್ ಎ.ಕೆ, ಪ್ರ.ಕಾರ್ಯದರ್ಶಿಯಾಗಿ ಹಾಜಿ ಅಬ್ದುಲ್ ಖಾದರ್, ಕೋಶಾಧಿಕಾರಿಯಾಗಿ ಅಬ್ದುಲ್ ಕರೀಂ, ಉಪಾಧ್ಯಕ್ಷರಾಗಿ ಇಸಾಕ್ ಅಳದಂಗಡಿ, ಜೊತೆ ಕಾರ್ಯದರ್ಶಿಯಾಗಿ ನವಾಝ್ ಅಳದಂಗಡಿ ಮತ್ತು ರಫೀಕ್ ಸುಪಾರಿ, ಸದಸ್ಯರಾಗಿ ಹಸೈನಾರ್ ಪಡ್ಯೂಡಿ, ಹಮೀದ್ ಪಡ್ಯೂಡಿ, ಅಬ್ದುಲ್ ಅಝೀಝ್ ಸುಂಕದಕಟ್ಟೆ, ರಝಾಕ್ ಸುಂಕದಕಟ್ಟೆ ಹಾಗೂ ಆಸೀಫ್ ಪಿಶ್ ಇವರನ್ನು ಆಯ್ಕೆ ಮಾಡಲಾಯಿತು.
ನೂರುಲ್ ಇಸ್ಲಾಂ ಜುಮಾ ಮಸ್ಜಿದ್ ಖತೀಬ್ ಮುಸ್ತಫಾ ಹಿಮಮಿ ಫುರ್ಖಾನಿ ಸ್ವಾಗತಿಸಿದರು. ಪ್ರ.ಕಾರ್ಯದರ್ಶಿ ಅಬುಬಕ್ಕರ್ ಅಳದಂಗಡಿ ವರದಿ ವಾಚನ ಮತ್ತು ಲೆಕ್ಕಪತ್ರ ಮಂಡಿಸಿದರು.
