ಉಜಿರೆ: ಉಂಡ್ಯಾಪುನಗರ ಎಂಬಲ್ಲಿ ದ್ವಿಚಕ್ರವಾಹನ ರಿಕ್ಷಾಕ್ಕೆ ಡಿಕ್ಕಿ ಹೊಡೆದ ಸಂಭವಿಸಿದ ಅಪಘಾತದಲ್ಲಿ ಸವಾರ ಗಾಯಗೊಂಡು ಉಜಿರೆ ಖಾಸಗಿ ಆಸ್ಪತ್ರೆಗೆ ದಾಖಲಾದ ಘಟನೆ ನ.10ರಂದು ವರದಿಯಾಗಿದೆ.
ಚಿಕ್ಕಮಗಳೂರು ಜಿಲ್ಲೆ ಆದಿಶಕ್ತಿನಗರ ಮಸೀದಿ ಹತ್ತಿರದ ನಿವಾಸಿ ಆಸೀಫ್ ಎಂಬವರು ಪುತ್ತೂರಿನಿಂದ ಆಟೋರಿಕ್ಷಾವನ್ನು ಖರೀದಿ ಮಾಡಿಕೊಂಡು ಚಾಲಕರಾಗಿ ಅವರ ಮಗ ಮಹಮ್ಮದ್ ಹಝಾನ್ ಹಾಗೂ ಭಾವ ಶಾಹಿದ್ ಎಂಬವರನ್ನು ಕುಳ್ಳಿರಿಸಿಕೊಂಡು ಬೆಳಾಲು ಕಡೆಯಿಂದ ಉಜಿರೆ ಕಡೆಗೆ ಹೋಗುತ್ತಿರುವಾಗ ಉಜಿರೆ ಉಂಡ್ಯಾಪುನಗರದಲ್ಲಿ ಉಜಿರೆ ಕಡೆಯಿಂದ ಬೆಳಾಲು ಕಡೆಗೆ ವಿಶ್ವನಾಥ ಎಂಬವರು ಅಜಾಗರೂಕತೆಯಿಂದ ತಮ್ಮ ದ್ವಿಚಕ್ರ ವಾಹನವನ್ನು ಚಲಾಯಿಸಿಕೊಂಡು ಬಂದು ಆಟೋರಿಕ್ಷಾಕ್ಕೆ ಡಿಕ್ಕಿ ಹೊಡೆದರೆನ್ನಲಾಗಿದೆ. ದ್ವಿಚಕ್ರವಾಹ ಸಮೇತ ರಸ್ತೆಗೆ ಬಿದ್ದು ತಲೆಗೆ ಗಾಯಗೊಂಡ ವಿಶ್ವನಾಥರನ್ನು ಕೂಡಲೇ ಉಜಿರೆ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಈ ಬಗ್ಗೆ ಬೆಳ್ತಂಗಡಿ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
