ಗೇರುಕಟ್ಟೆ: ಕಳಿಯ ಗ್ರಾಮ ಪಂಚಾಯತ್ ನ ಮಾಜಿ ಉಪಾಧ್ಯಕ್ಷರೂ, ಕಳಿಯ ಸಿ.ಎ.ಬ್ಯಾಂಕಿನ ಮಾಜಿ ಉಪಾದ್ಯಕ್ಷರೂ, ನಾಳ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಮಾಜಿ ಸದಸ್ಯರೂ ಹಾಗೂ ವಿವಿಧ ಸಾಮಾಜಿಕ ಕ್ಷೇತ್ರಗಳಲ್ಲಿ ಸಕ್ರಿಯವಾಗಿ ತಮ್ಮನ್ನು ತೊಡಗಿಸಿಕೊಂಡಿದ್ದ ಸತೀಶ್ ನಾಯ್ಕ್ ನಾಳ ರವರು ನ.2ರಂದು ನಿಧನರಾಗಿದ್ದು, ಇವರಿಗೆ ಕಾಂಗ್ರೆಸ್ ಪಕ್ಷದ ಕಳಿಯ ಮತ್ತು ನ್ಯಾಯತರ್ಪು ಗ್ರಾಮ ಪಂಚಾಯತ್ ಮಟ್ಟದ ಸಮಿತಿ ವತಿಯಿಂದ ಶ್ರದ್ಧಾಂಜಲಿ ಸಭೆ ಪರಪ್ಪು ನೇವಿಲ್ ಮೋರಾಸ್ ಮನೆಯಲ್ಲಿ ನಡೆಯಿತು.
ಸಭೆಯಲ್ಲಿ ಕಳಿಯ ಗ್ರಾಮ ಪಂಚಾಯತ್ ಮಟ್ಟದ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ನೇವಿಲ್ ಮೋರಾಸ್, ಕೇಶವ ಪೂಜಾರಿ ನಾಳ, ರಾಘವ ಹೆಚ್ ಗೇರುಕಟ್ಟೆ, ಅಬ್ದುಲ್ ಕರೀಮ್ ಗೇರುಕಟ್ಟೆ, ಮರೀಟಾ ಪಿಂಟೋ, ಹರೀಶ್ ಕುಮಾರ್ , ಶರತ್ ಶೆಟ್ಟಿ, ಲತೀಫ್ ಪರಿಮ, ರೀತಾ, ಪುಷ್ಪಾ, ಹರೀಶ್ ಗೌಡ, ಸೋಮನಾಥ ಇಡ್ಯ, ರಂಜನ್ ಹೆಚ್ , ಆಸಿಫ್ ನಾಳ, ರಹಿಮಾನ್ ಮಾಸ್ಟರ್, ಮಹಮ್ಮದ್ ಸುಹೈಲ್, ಹರೀಶ್ ನಾಳ, ಕೆ.ಎನ್.ಬಾಬು, ಫಾರೂಕ್ ಗೋವಿಂದೂರು ಮತ್ತಿತರರು ಪುಷ್ಪಾರ್ಚನೆ ಗೈದು ಶ್ರದ್ಧಾಂಜಲಿ ಅರ್ಪಿಸಿದರು.
