ಮಂಗಳೂರಿನ ಪುರಭವನದಲ್ಲಿ ಯುವವಾಹಿನಿಯ ಕೇಂದ್ರ ಸಮಿತಿಯ ಆಶ್ರಯದಲ್ಲಿ ನಡೆದ ಡೆನ್ನಾನ ಡೆನ್ನನ – 2023 ಅಂತರ್ ಘಟಕ ಸಾಂಸ್ಕ್ರತಿಕ ಸ್ಪರ್ಧೆಯಲ್ಲಿ ಯುವವಾಹಿನಿ ಬೆಳ್ತಂಗಡಿ ಘಟಕ ಪ್ರಥಮ ಸ್ಥಾನ ಪಡೆದು ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
ಉಡುಪಿ ದ.ಕ ಜಿಲ್ಲೆಯ 19 ಘಟಕಗಳು ಭಾಗವಹಿಸಿದ್ದ ಈ ಸ್ಪರ್ಧೆಯಲ್ಲಿ ಜಿದ್ದಾಜಿದ್ದಿನ ಪೈಪೋಟಿಯೊಂದಿಗೆ ಘಟಕ ಈ ಸಾಧನೆ ಮಾಡಿದೆ. ಅಷ್ಟೇ ಅಲ್ಲದೆ ಬೆಳ್ತಂಗಡಿ ಯುವವಾಹಿನಿ ಘಟಕವು ಅತ್ಯಂತ ಶಿಸ್ತಿನ ತಂಡವಾಗಿ ಹೊರಹೊಮ್ಮಿದೆ.
2022 ರ ಡೆನ್ನಾನ ಡೆನ್ನನ ಸ್ಪರ್ಧೆಯ ವಿಜೇತರು ಕೂಡ ಬೆಳ್ತಂಗಡಿ ಘಟಕ ಆಗಿದ್ದು ಸತತ ಎರಡು ಸಲ ಪ್ರಶಸ್ತಿ ಬಾಚಿದ ದಾಖಲನೆಯನ್ನು ಮಾಡಿದೆ. ಸಾಮಾಜಿಕ ಸಮಸ್ಯೆಗಳ ಕಥಾ ಹಂದರವನ್ನು ಹೊಂದಿದ ತಲ್ಲಣ ಅನ್ನುವ ವಿಷಯವನ್ನು ತಂಡ ಪ್ರಸ್ತುತ ಪಡಿಸಿದ್ದು ಪ್ರಶಸ್ತಿಯೊಂದಿಗೆ 25000 ನಗದು ಮತ್ತು ಚಿನ್ನದ ಪದಕವನ್ನು ತನ್ನದಾಗಿಸಿಕೊಂಡಿದೆ.
