ಬಳಂಜ: ಅಟ್ಲಾಜೆ ಕ್ರಿಕೆಟರ್ಸ್ ವತಿಯಿಂದ 8 ತಂಡಗಳ ಬಿಡ್ಡಿಂಗ್ ಮಾದರಿಯ ಸೂಪರ್ ಸಿಕ್ಸ್ ಕ್ರಿಕೆಟ್ ಪಂದ್ಯಾವಳಿಯು ಅಟ್ಲಾಜೆ ಕ್ರೀಡಾಂಗಣದಲ್ಲಿ ಅ.1 ರಂದು ನಡೆಯಿತು.
ಕ್ರೀಡಾಕೂಟ ಉದ್ಘಾಟನೆಯನ್ನು ಬಳಂಜ ಬ್ರಹ್ಮಶ್ರೀ ನಾರಾಯಣ ಗುರು ಸೇವಾ ಸಮಿತಿ ಅಧ್ಯಕ್ಷ ಸಂತೋಷ್ ಪಿ ಕೋಟ್ಯಾನ್ ಬಳಂಜ ಉದ್ಘಾಟಿಸಿ ಕಾರ್ಯಕ್ರಮಕ್ಕೆ ಶುಭಹಾರೈಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಳಂಜ ವಾಲಿಬಾಲ್ ಕ್ಲಬ್ ಅಧ್ಯಕ್ಷ ರಾಕೇಶ್ ಹೆಗ್ಡೆ ಬಳಂಜ ವಹಿಸಿದ್ದರು.
ವೇದಿಕೆಯಲ್ಲಿ ಮುಖ್ಯ ಅತಿಥಿಗಳಾಗಿ ಬಳಂಜ ಗ್ರಾ.ಪಂ ಅಧ್ಯಕ್ಷ ಶೋಭಾ ಕುಲಾಲ್, ಪ್ರಗತಿಪರ ಕೃಷಿಕ ವಿಶ್ವನಾಥ ಹೊಳ್ಳ,ಭಾರತ್ ಆಟೋ ಕಾರ್‍ಸ್ ನ ಉದ್ಯೋಗಿ ಪ್ರವೀಣ್ ಕುಮಾರ್ ಹೆಚ್.ಎಸ್,ಬಳಂಜ ಗ್ರಾ.ಪಂ ಮಾಜಿ ಅಧ್ಯಕ್ಷ ಹೇಮಂತ್,ಪ್ರಗತಿಪರ ಕೃಷಿಕ ಸತೀಶ್ ರೈ ಬಾರ್ದಡ್ಕ, ಬಳಂಜ ಗ್ರಾ.ಪಂ ಉಪಾಧ್ಯಕ್ಷ ಯಶೋಧರ ಶೆಟ್ಟಿ ಅಟ್ಲಾಜೆ, ಎಸ್.ಡಿ.ಎಂ.ಸಿ ಅಧ್ಯಕ್ಷ ಜಗದೀಶ್ ಕೊಂಗುಳ, ಪಂದ್ಯಾವಳಿ ಆಯೋಜಕರಾದ ಲತೇಶ್ ಪೆರಾಜೆ,ಪ್ರಣಾಮ್ ಶೆಟ್ಟಿ,ತಂಡದ ಮಾಲಕರಾದ ಅಶೋಕ್ ಪೆರಾಜೆ, ಆಂಚನ್ ಫ್ರೆಂಡ್ಸ್ – ಸಮಂತ್ ಆಂಚನ್,ಪೆರಾಜೆ ವಾರಿಯರ್ಸ್ – ಪ್ರಶಾಂತ್ ಪೆರಾಜೆ,ಜೆ.ಕೆ ಅಟ್ಯಾಕರ್ಸ್ ಬಳಂಜ – ಮುಸ್ತಫಾ ಬಳಂಜ, ಉಮಾಮಹೇಶ್ವರ ಬಳಂಜ- ನವೀನ್ ಪೂಜಾರಿ ಲಾಂತ್ಯಾರು, ಪಂಚಶ್ರೀ ಹೇವ – ಸುರೇಶ್ ಹೇವ, ದಿಮಿಸೋಲೆ ಬಳಂಜ – ಯಶೋಧರ ಶೆಟ್ಟಿ,ಶ್ರೀ ಮಾತ ನಾಲ್ಕೂರು – ಸನತ್ ನಾಲ್ಕೂರು,ಪಂಚದುರ್ಗ ಬಳಂಜ- ಸುಜಿತ್ ಬಳಂಜ ಉಪಸ್ಥಿತರಿದ್ದರು.
ಪ್ರಕಾಶ್ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು.ಪ್ರಸಾದ್ ದೇವಾಡಿಗ ವೀಕ್ಷಣಾ ವಿವರಣೆ ಮಾಡಿದರು.
