ಬೆಳ್ತಂಗಡಿ: ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಪ್ರತಿವರ್ಷ ಬಿಜೆಪಿ ಯುವಮೋರ್ಚಾದ ವತಿಯಿಂದ ನಡೆಯುವ 4ನೇ ವರ್ಷದ ದೀಪಾವಳಿ ದೋಸೆ ಹಬ್ಬವು ನ.13 ರಂದು ಬೆಳಿಗ್ಗೆಯಿಂದ ಸಂಜೆಯ ತನಕ ಬೆಳ್ತಂಗಡಿ ಬಸ್ ನಿಲ್ದಾಣ ಬಳಿ ನಡೆಯಲಿದೆ.
ಬೆಳಗ್ಗೆ 10.00 ರಿಂದ ಮಧ್ಯಾಹ್ನ 1 ರವರೆಗೆ ಧರ್ಮಸ್ಥಳ ನಿನಾದ ಕ್ಲಾಸಿಕಲ್ ಮುಂಡ್ರುಪ್ಪಾಡಿ ಇವರಿಂದ ಭಕ್ತಿ -ಭಾವ-ಗಾನ, ಮಧ್ಯಾಹ್ನ 1 ರಿಂದ 3 ರವರೆಗೆ ಜನಪದ ಕಲರವ ಕಲಾಮಯಂ ಉಡುಪಿ ಇವರಿಂದ ಜನಪದ ಸಂಗೀತ ಮತ್ತು ಜಾನಪದ ವಾದ್ಯಪರಿಕರಗಳ ಸಮ್ಮಿಲನ, ಮಧ್ಯಾಹ್ನ 3ರಿಂದ 5 ರವರಗೆ ಕಾರ್ಕಳ ತೆಲಿಕೆದ ತೆನಾಲಿ ಇವರಿಂದ ತೆಲಿಕೆದ ಬರ್ಸ ತುಳು ಹಾಸ್ಯಮಯ ನಾಟಕ, ಸಂಜೆ 5 ರಿಂದ 6 ರವರೆಗೆ ಕುಣಿತ ಭಜನೆ, ಸಂಜೆ 6ರಿಂದ 7 ರವರೆಗೆ ಗೋ ಪೂಜೆ, ಸಹಸ್ರ ಹಣತೆ ಪ್ರಜ್ವಲನೆ, ರಾತ್ರಿ 7 ರಿಂದ 8 ರವರೆಗೆ ಧಾರ್ಮಿಕ ಸಭಾ ಕಾರ್ಯಕ್ರಮ, ರಾತ್ರಿ 8 ರಿಂದ ಸುಡುಮದ್ದು ಪ್ರದರ್ಶನ, ಹಾಗೂ ರಾತ್ರಿ 8.30 ಕ್ಕೆ ಮೈತಿದಿ ತುಳು ಹಾಸ್ಯಮಯ ನಾಟಕ ನಡೆಯಲಿದೆ.
