ಶಿಬಾಜೆ: ಮೊಂಟೆತಡ್ಕ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಶಿಬಾಜೆ ಇಲ್ಲಿಯ ಭಕ್ತರಿಗೆ ದೇವಸ್ಥಾನದ ಮಧ್ಯಾಹ್ನದ ಪೂಜೆಯನ್ನು ದೂರದೂರಿನಿಂದ ಯೂಟ್ಯೂಬ್ ಮೂಲಕ ನೇರವಾಗಿ ವೀಕ್ಷಿಸಲು ಒಂದು ವಿನೂತನ ವ್ಯವಸ್ಥೆಯೊಂದನ್ನು ವ್ಯವಸ್ಥಾಪನಾ ಸಮಿತಿಯ ಮಾಡಿಕೊಟ್ಟಿದೆ.
ರಾಘವೇಂದ್ರ ನಾಯಕ್
ಫೆ.3 ರಂದು ಈ ಯೋಜನೆಗೆ ವ್ಯವಸ್ಥಾಪನಾ ಸಮಿತಿಯ ಅಧ್ಯಕ್ಷ ರಾಘವೇಂದ್ರ ನಾಯಕ್ರವರು ಚಾಲನೆ ನೀಡಿ ಮಾತನಾಡಿ ನಮ್ಮ ದೇವಸ್ಥಾನದ ಹಲವಾರು ಭಕ್ತರು ದೂರದ ಊರುಗಳಲ್ಲಿ ಉದ್ಯೋಗದಲ್ಲಿದ್ದಾರೆ. ಅವರು ಅವರ ಹೆಸರಿನಲ್ಲಿ ನಿತ್ಯ ಪೂಜೆ ಸೇವೆ ಮಾಡಿಸುತ್ತಾರೆ. ಆದರೆ ಆ ದಿನ ಕೆಲವರಿಗೆ ಬರಲು ಅಸಾಧ್ಯವಾಗುತ್ತದೆ. ಇದನ್ನು ಮನಗಂಡು ಅವರ ಹೆಸರಲ್ಲಿ ನಡೆಯುವ ಪೂಜೆಯನ್ನು ವೀಕ್ಷಿಸಲು ಒಂದು ವ್ಯವಸ್ಥೆಯನ್ನು ಮಾಡಬೇಕೆಂದು ಅಲೋಚಿಸಿ ಯೂಟ್ಯೂಬ್ ಮೂಲಕ ನೇರವಾಗಿ ನೋಡುವ ವ್ಯವಸ್ಥೆಯನ್ನು ಮಾಡಿದ್ದೇವೆ ಎಂದರು.
ದೇವಸ್ಥಾನದಲ್ಲಿ ಹಲವಾರು ಅಭಿವೃದ್ಧಿ ಕೆಲಸಗಳನ್ನು ಮಾಡಿರುವ ವ್ಯವಸ್ಥಾಪನಾ ಸಮಿತಿಯು ಯುಟ್ಯೂಬ್ ಲಿಂಕ್ ಪ್ರಾರಂಭಿಸಿದ್ದು ಮಧ್ಯಾಹ್ನ 12.30 ಕ್ಕೆ ಯೂಟ್ಯೂಬ್ ಲಿಂಕ್ ಆನ್ ಆಗಲಿದ್ದು, ಪೂಜೆ ಕೊನೆಗೊಳ್ಳುವ ತನಕ ಇರುತ್ತದೆ. ಇದರಿಂದ ನಿತ್ಯಪೂಜೆ ಮಾಡಿಸುವ ಭಕ್ತರು ದೂರದೂರಿನಲ್ಲಿದ್ದರು ತಮ್ಮ ಹೆಸರಿನಲ್ಲಿ ನಡೆಯುವ ನಿತ್ಯ ಪೂಜೆಯನ್ನು ವೀಕ್ಷಿಸಬಹುದಾಗಿದೆ. https://youtube.com/live/M-1N_CEYjbQ?feature=share
