ಮಿತ್ತಬಾಗಿಲು: ಸಹೋದರರಿಬ್ಬರು ಒಂದೇ ದಿನ ನಿಧನ ಹೊಂದಿದ ಘಟನೆ ಮಿತ್ತಬಾಗಿಲು ಗ್ರಾಮದಲ್ಲಿ ನಡೆದಿದೆ.
ಇಲ್ಲಿನ ದಿಡುಪೆಯ ಕೆಳಗಿನಮನೆ ನಿವಾಸಿಗಳಾದ ಜಾನು ಗೌಡ(72) ಹಾಗೂ ಸಹೋದರ ಕುಶಾಲಪ್ಪ (68) ನಿಧನ ಹೊಂದಿದ ಸಹೋದರರು.
ಜಾನು ಗೌಡ ಕಳೆದ ಕೆಲ ಸಮಯದಿಂದ ಅಸೌಖ್ಯದಿಂದ ಬಳಲುತ್ತಿದ್ದು ಫೆ. 21ರಂದು ಬೆಳಿಗ್ಗೆ 11 ಗಂಟೆ ಸುಮಾರಿಗೆ ಸ್ವಗೃಹದಲ್ಲಿ ನಿಧನರಾದರು. ಇವರಿಗೆ ಪತ್ನಿ,ಇಬ್ಬರು ಪುತ್ರಿಯರು ಹಾಗೂ ಪುತ್ರ ಇದ್ದಾರೆ.
ಸಮೀಪದಲ್ಲೇ ವಾಸಿಸುತ್ತಿದ್ದ ಇವರ ಸಹೋದರ ಕುಶಾಲಪ್ಪ ಗೌಡ (68) ಅಣ್ಣನ ಅಂತ್ಯಸಂಸ್ಕಾರದಲ್ಲಿ ಭಾಗವಹಿಸಿ ಮನೆಗೆ ವಾಪಸ್ ಆದ ಬಳಿಕ ಅಸೌಖ್ಯ ಉಂಟಾಗಿ ಸಂಜೆ 5ಗಂಟೆ ವೇಳೆಗೆ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ. ಇವರಿಗೆ ಪತ್ನಿ, ಮೂವರು ಪುತ್ರರು ಹಾಗೂ ಇಬ್ಬರು ಪುತ್ರಿಯರಿದ್ದಾರೆ.
