ಪಡಂಗಡಿ: ಮ್ಯಾಂಗೋ ಜ್ಯೂಸ್‌ನಲ್ಲಿ ಇಲಿ ಪಾಷಾಣವನ್ನು ಸೇವೆಸಿದ ಯುವಕನೋರ್ವ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟ ಘಟನೆ ಜೂ.6ರಂದು ವರದಿಯಾಗಿದೆ.
ಪಡಂಗಡಿ ಗ್ರಾಮದ ಇಬ್ರಾಹಿಂ ಮತ್ತು ನಸೀಮಾ ದಂಪತಿ ಪುತ್ರ ಮೊಹಮ್ಮದ್ ಫೈಝಲ್ (21ವ) ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟವರಾಗಿದ್ದಾರೆ.
ಘಟನೆ ಬಗ್ಗೆ ಪಡಂಗಂಡಿಯ ಅಹಮ್ಮದ್ ಬಾವ ಅವರು ಬೆಳ್ತಂಗಡಿ ಠಾಣೆಗೆ ನೀಡಿರುವ ದೂರಿನಲ್ಲಿ ನನ್ನ ಮಾವನ ಮಗಳು ನಸೀಮಾರವರ ಪುತ್ರ ಮೊಹಮ್ಮದ್ ಫೈಝಲ್ ಮೇ 29 ರಂದು ಮ್ಯಾಂಗೋ ಜ್ಯೂಸ್‌ನಲ್ಲಿ ಇಲಿ ಪಾಷಾಣವನ್ನು ಸೇವಿಸಿರುವುದಾಗಿ ಮೊಹಮ್ಮದ್ ಫೈಝಲ್‌ನ ತಂದೆ ಇಬ್ರಾಹಿಂ ಕರೆ ಮಾಡಿ ತಿಳಿಸಿದ್ದು, ಕೂಡಲೇ ಮೊಹಮ್ಮದ್ ಫೈಝಲ್‌ನನ್ನು ಚಿಕಿತ್ಸೆ ಬಗ್ಗೆ ಬೆಳ್ತಂಗಡಿ ಸರಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಯ ಬಗ್ಗೆ ಮಂಗಳೂರು ಫಾದರ್ ಮುಲ್ಲರ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆಯಲ್ಲಿದ್ದ ಮೊಹಮ್ಮದ್ ಫೈಝಲ್ ಜೂ. 6ರಂದು ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿರುವುದಾಗಿ ನೀಡಿದ ದೂರಿನಂತೆ ಬೆಳ್ತಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
