ಕೊಕ್ಕಡ : ಇಲ್ಲಿಯ ಮಾಸ್ತಿಕಲ್ಲು ಮಜಲು ಎಂಬಲ್ಲಿ ವರ್ಷಂಪ್ರತಿ ಜರಗುವ ಶ್ರೀ ಪಿಲಿಚಾಮುಂಡಿ ಮತ್ತು ಸಹ ಪರಿವಾರ ದೈವಗಳ ನೇಮೋತ್ಸವವು ಎ.2ರಂದು ಜರಗಲಿದ್ದು, ಆ ಪ್ರಯುಕ್ತ ಎ.1ರಂದು ಬೆಳಗ್ಗೆ ನೇಮೋತ್ಸವ ನಡೆಯುವ ಸ್ಥಳದಲ್ಲಿ ಗಣಹೋಮ ನೆರವೇರಿತು.
ಮಾಸ್ತಿಕಲ್ಲು ಮಜಲು ಶ್ರೀ ಪಿಲಿಚಾಮುಂಡಿ ಹಾಗೂ ಸಹ ಪರಿವಾರ ದೈವಗಳಿಗೆ ಕಡೀರ ಮೂಲ ಸ್ಥಳದಲ್ಲಿ ಪರ್ವ ಹಾಗೂ ಕಡೀರ ಬನದಲ್ಲಿ ನಾಗ ದೇವರಿಗೆ ನಾಗ ಪರ್ವ ಪೂಜೆಯನ್ನು ಅರ್ಚಕ ರಾಮಚಂದ್ರ ನೂರಿತ್ತಾಯ ನೆರವೇರಿಸಿದರು.
ಈ ಸಂದರ್ಭದಲ್ಲಿ ನಾಲ್ವಿಕೆಯರು, ಶ್ರೀ ಪಿಲಿಚಾಮುಂಡಿ ಹಾಗೂ ಸಹ ಪರಿವಾರ ದೈವಗಳ ಸೇವಾ ಟ್ರಸ್ಟ್ ನ ಪದಾಧಿಕಾರಿಗಳು, ಗ್ರಾಮಸ್ಥರು ಉಪಸ್ಥಿತರಿದ್ದರು. ನೇಮೋತ್ಸವವು ಎ. 2ರಂದು ಬೆಳಿಗ್ಗೆ 5ರಿಂದ ಜರುಗಲಿದೆ.
