ಅಳದಂಗಡಿ ಶ್ರೀ ಸೋಮನಾಥೇಶ್ವರಿ ಮಕ್ಕಳ ಭಜನಾ ಸಮಿತಿ ವತಿಯಿಂದ ಏಳರಿಂದ ಹತ್ತನೇ ತರಗತಿವರೆಗೆ ಅತಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳನ್ನು ಶ್ರೀ ಸೋಮನಾಥೇಶ್ವರಿ ಭಜನಾ ಮಂಡಳಿಯಲ್ಲಿ ಗೌರವಿಸಲಾಯಿತು.
ಮಕ್ಕಳ ಭಜನಾ ಸಮಿತಿಯ ಅಧ್ಯಕ್ಷ ರಘು ದೇವಾಡಿಗರು ಮಾತನಾಡಿ ಮಕ್ಕಳಿಗೆ ಸಂಸ್ಕಾರ ಸಂಸ್ಕೃತಿ ಬಗ್ಗೆ ತಿಳಿಸಿದರು. ಭಜನೆಗೂ ಬಂದು ಹೆಚ್ಚು ಅಂಕಗಳನ್ನು ಪಡೆದು ಭಜನಾ ಸಮಿತಿಗೆ ಗೌರವ ತಂದಿದ್ದೀರಿ ಎಂದು ಮಕ್ಕಳನ್ನು ಅಭಿನಂದಿಸಿದರು. ಇನ್ನು ಮುಂದೆ ನಡೆಯುವ ಭಜನೆಗೂ ನಿಮ್ಮ ಸಹಕಾರ ಅತ್ಯಗತ್ಯ ಎಂದು ತಿಳಿಸಿದರು.
ಮಕ್ಕಳ ಭಜನಾ ಸಮಿತಿ ಕಾರ್ಯದರ್ಶಿ ಹರೀಶ್ ಸಾಲ್ಯಾನ್, ಪದಾಧಿಕಾರಿಗಳಾದ ಇಂದುಧರ್, ಜಯ ಪೂಜಾರಿ, ಶ್ರೀಮತಿ ಅರುಣ ಕುಲಾಲ್ ಉಪಸ್ಥಿತರಿದ್ದರು. ಮಂಜುನಾಥ ಆಚಾರ್ಯ ಅಳದಂಗಡಿ ನಿರೂಪಿಸಿದರು.
