ನಿದ್ದೆ: ಪರಿಸರ ಸ್ನೇಹಿ ಸಂಸ್ಥೆ ‘ಆಗ್ರಿ ಲೀಫ್’ ಆಶ್ರಯದಲ್ಲಿ ಬೃಹತ್ ಉದ್ಯೋಗ ಮೇಳ -2026 ಆ. 15ರಂದು ಉಜಿರೆಯ ಓಷ್ಯನ್ ಪರ್ಲ್ ಹೊಟೇಲ್ನಲ್ಲಿ ಹಮ್ಮಿಕೊಳ್ಳಲಾಗಿದೆ. ಸ್ಥಳೀಯವಾಗಿ ನೇಮಕಾತಿ, ಜಾಗತಿಕ ಮಟ್ಟದಲ್ಲಿ ಬೆಳವಣಿಗೆ ಎಂಬ ಧ್ಯೇಯವಾಕ್ಯದೊಂದಿಗೆ ಈ ಮೇಳ ನಡೆಯಲಿದೆ.
ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 5ಗಂಟೆಯವರೆಗೆ ಉದ್ಯೋಗ ಮೇಳ ನಡೆಯಲಿದ್ದು ಆಯ್ಕೆಯಾದ ಅಭ್ಯರ್ಥಿಗಳಿಗೆ ಸ್ಥಳದಲ್ಲೇ ನೇಮಕಾತಿ ಪತ್ರ ನೀಡಲಾಗುವುದು ಎಂದು ಸಂಸ್ಥೆ ತಿಳಿಸಿದೆ. ಅಂತರರಾಷ್ಟ್ರೀಯ ಮಟ್ಟದ ಪರಿಣಿತರಿಂದ ಸಂದರ್ಶನ ನಡೆಯಲಿದೆ.
ಉದ್ಯೋಗಕಾಂಕ್ಷಗಳಿಗೆ ಸಾಫ್ಟ್ವೇರ್ ಸರ್ವೀಸ್, ಇಂಜಿನಿಯರಿಂಗ್ ಮತ್ತು ಟೆಕ್ನಿಕಲ್ ಸರ್ವೀಸ್, ಉತ್ಪಾದನೆ, ಮಾರಾಟ ಮತ್ತು ಮಾರ್ಕೆಟಿಂಗ್, ಹಣಕಾಸು ಮತ್ತು ಲೆಕ್ಕಪತ್ರ ನಿರ್ವಹಣೆ, ಸಂಶೋಧನೆ ಮತ್ತು ಹೊಸ ಉತ್ಪನ್ನ ಅಭಿವೃದ್ಧಿ, ಸಪ್ಲೈ ಚೈನ್ ಮತ್ತು ಪ್ರೊಕ್ಯುರ್ಮೆಂಟ್, ಅಡ್ಮಿನ್, ಹೆಚ್.ಆರ್. ಮತ್ತು ಎಕ್ಸಿಕ್ಯೂಟಿವ್ ಸಪೋರ್ಟ್ ಮುಂತಾದ ಕ್ಷೇತ್ರಗಳಲ್ಲಿ ಅವಕಾಶವಿದೆ.
ಭಾಗವಹಿಸುವ ಪ್ರತಿಯೊಬ್ಬರಿಗೂ ಉಜಿರೆಯ ‘ದಿ ಓಷಿಯನ್ ಪರ್ಲ್ ಹೋಟೆಲ್’ ನಿಂದ 25% ರಿಯಾಯಿತಿ ಹೊಂದಿರುವ ಕುಟುಂಬದ ಆಹಾರ ಕೂಪನ್ ಸಿಗಲಿದೆ. ಉದ್ಯೋಗ ಮೇಳದಲ್ಲಿ ಭಾಗವಹಿಸಲು ನೋಂದಣಿ ಕಡ್ಡಾಯವಾಗಿದೆ. ಇ-ಮೇಲ್: jobs@ agrileaf.in, ವೆಬ್ಸೈಟ್: agrileaf.in ಸಂಪರ್ಕ ಸಂಖ್ಯೆಗಳು: +91 9606023005 +91 9606092137
