ಕನ್ಯಾಡಿ : ಯಕ್ಷಭಾರತಿ ಸಂಸ್ಥೆಯ ಉದ್ದೇಶಿತ ಸಂಘ ಶತಾಬ್ದಿ ನಿಮಿತ್ತ ನಡೆಯುವ ಸರಣಿ ಕಾರ್ಯಕ್ರಮಗಳ ಉದ್ಘಾಟನಾ ಕಾರ್ಯಕ್ರಮ ಸೆ.18 ರಂದು ಕನ್ಯಾಡಿ ನೇರೋಳ್ ಪಲ್ಕೆ ಮಾತೃಶ್ರೀಯಲ್ಲಿ ನಡೆಯಿತು.
ಪುತ್ತೂರು ಜಿಲ್ಲಾ ಸಂಘ ಚಾಲಕರಾದ ವಿನಯಚಂದ್ರ ಅವರು ದೀಪ ಪ್ರಜ್ವಲಿಸುವುದರ ಮೂಲಕ ಸರಣಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಜಿಲ್ಲಾ ಗುಮಂತು ಕಾರ್ಯ ಪ್ರಮುಖ್ ಸುದರ್ಶನ್ ಕೆ. ವಿ ಉಪಸ್ಥಿತರಿದ್ದರು. ಯಕ್ಷಭಾರತಿ ಅಧ್ಯಕ್ಷ ರಾಘವೇಂದ್ರ ಬೈಪಾಡಿತ್ತಾಯರು ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯಕ್ರಮ ಸಂಯೋಜಿಸುವಲ್ಲಿ ಸಹಕರಿಸಿದ ಸಂಸ್ಥೆಯ ಟ್ರಸ್ಟಿ ಶಶಿಧರ ಕನ್ಯಾಡಿ ಮತ್ತು ಶ್ರೀಮತಿ ಮಮತಾ ದಂಪತಿಗಳನ್ನು ಗೌರವಿಸಲಾಯಿತು.
ಸಂಸ್ಥೆಯ ಕಾರ್ಯದರ್ಶಿ ದಿವಾಕರ ಆಚಾರ್ಯ ಅವರು ಕಾರ್ಯಕ್ರಮ ನಿರೂಪಿಸಿದರು. ಶ್ರೀನಿವಾಸ್ ರಾವ್ ಕಲ್ಮಂಜ ವಂದೇಮಾತರಂ ಹಾಡಿದರೆ, ಟ್ರಸ್ಟಿ ರವೀಂದ್ರ ಶೆಟ್ಟಿ ವಂದಿಸಿದರು. ಯಕ್ಷಭಾರತಿ ಟ್ರಸ್ಟಿಗಳು, ಸದಸ್ಯರು ಉಪಸ್ಥಿತರಿದ್ದರು.
ಬಳಿಕ ಪ್ರಸಿದ್ಧ ಕಲಾವಿದರ ಕೂಡುವಿಕೆಯಲ್ಲಿ ಯಕ್ಷಗಾನ ತಾಳಮದ್ದಳೆ “ಸುದರ್ಶನ ಗರ್ವಭಂಗ” ಆಖ್ಯಾನ ನಡೆಯಿತು.
ಭಾಗವತರಾಗಿ ಮಹೇಶ್ ಕನ್ಯಾಡಿ, ಚೆಂಡೆ ಮದ್ದಳೆಯಲ್ಲಿ ಜಗನ್ನಿವಾಸ ರಾವ್ ಪುತ್ತೂರು, ಚಂದ್ರಶೇಖರ ಆಚಾರ್ಯ ಗುರುವಾಯನಕೆರೆ ಚಕ್ರತಾಳದಲ್ಲಿ ಕೌಸ್ತುಭ ಕನ್ಯಾಡಿ ಸಹಕರಿಸಿದರು.
ಮುಮ್ಮೇಳದಲ್ಲಿ ವಿಷ್ಣುವಾಗಿ ರಾಧಾಕೃಷ್ಣ ಕಲ್ಚಾರ್, ಲಕ್ಷ್ಮಿಯಾಗಿ ಹರೀಶ್ ಬಳಂತಿಮೊಗರು, ಸುದರ್ಶನನಾಗಿ ಸುಣ್ಣಂಬಳ ವಿಶ್ವೇಶ್ವರ ಭಟ್, ಶತ್ರುಪ್ರಸೂಧನನಾಗಿ ಸುರೇಶ ಕುದ್ರೆಂತ್ತಾಯ, ದೇವೇಂದ್ರನಾಗಿ ಹರಿದಾಸ ಗಾಂಭೀರ ಪಾತ್ರ ನಿರ್ವಹಿಸಿದರು.
