ಬೆಳ್ತಂಗಡಿ: ಇಂದು ಕಂಬಳದ ಕೋಣದ ಆರೋಗ್ಯಕ್ಕೆ ನೀಡುವ ಕಾಳಜಿ ಜನಸಾಮಾನ್ಯರ ಆರೋಗ್ಯಕ್ಕೆ ನೀಡದಿರುವುದು ಇಂದಿನ ಸರಕಾರಗಳ ಧೋರಣೆಯಾಗಿದೆ ಎಂದು ಸಿಪಿಐಎಂ ದ.ಕ. ಜಿಲ್ಲಾ ಕಾರ್ಯದರ್ಶಿ ಮುನೀರ್ ಕಾಟಿಪಳ್ಳ ಹೇಳಿದರು.
ಅವರು ಸಿಪಿಐಎಂ ಬೆಳ್ತಂಗಡಿ ತಾಲೂಕು ನೇತೃತ್ವದಲ್ಲಿ ಸರಕಾರಿ ಆಸ್ಪತ್ರೆಗಳ ರಕ್ಷಿಸಿ, ಖಾಸಗೀ ಆಸ್ಪತ್ರೆಗಳ ನಿಯಂತ್ರಿಸಿ ಎಂಬ ಹೋರಾಟವನ್ನು ಉದ್ಘಾಟಿಸಿ ಮಾತಾಡಿದರು. ಸರಕಾರಿ ಆಸ್ಪತ್ರೆಗಳಲ್ಲಿ ಸುವ್ಯವಸ್ತಿತ ಸೌಲಭ್ಯಗಳು ಇರುವಂತೆ ಮಾಡಬೇಕು, ನುರಿತ ವೈದ್ಯರುಗಳು ಇರಬೇಕು ಎಂಬುದರ ಜೊತೆಗೆ ಜಿಲ್ಲೆಯ ಎಲ್ಲಾ ತಾಲೂಕು ಕೇಂದ್ರಗಳಲ್ಲಿ ತಾಲೂಕು ಆಸ್ಪತ್ರೆ ಸ್ಥಾಪನೆ ಆಗಬೇಕು ಎಂದು ಒತ್ತಾಯಿಸಿದರು.
ಸಿಪಿಐಎಂ ಬೆಳ್ತಂಗಡಿ ತಾಲೂಕು ಕಾರ್ಯದರ್ಶಿ ಬಿ.ಎಂ.ಭಟ್ ಅವರು ಬೆಳ್ತಂಗಡಿ ತಾಲೂಕು ಆಸ್ಪತ್ರೆಯಲ್ಲಿ ಸಾಕಷ್ಟು ವೈದ್ಯರು ನರ್ಸ್ಗಳು ನೇಮಕವಾಗಬೇಕು, ಕನಿಷ್ಟ ಸೈನಿಂಗ್ ವ್ಯವಸ್ಥೆ ಇಲ್ಲದ ನಮ್ಮ ಆಸ್ಪತ್ರೆಯಲ್ಲಿ ಮೂಲಭೂತ ಸವಲತ್ತುಗಳೂ ಇಲ್ಲ ಎಂದರು. ಕೇರಳದ ಎಡರಂಗ ಗ್ರಾಮದ ಆಸ್ಪತ್ರೆಯಲ್ಲಿರುವ ಸುವ್ಯವಸ್ಥೆಯನ್ನಾದರೂ ನಮ್ಮ ತಾಲೂಕು ಆಸ್ಪತ್ರೆಗೆ ಒದಗಿಸಿರಿ ಎಂದವರು ಹೇಳಿದರು.
ಸಿಪಿಐಎಂ ಪಕ್ಷದ ತಾಲೂಕು ಸಮಿತಿ ಸದಸ್ಯ ಲಕ್ಷ್ಮಣ ಗೌಡ ಸ್ವಾಗತಿಸಿದರು. ಶ್ಯಾಮರಾಜ್ ಪಟ್ರಮೆ ವಂದಿಸಿದರು. ಹೋರಾಟದ ನೇತೃವದಲ್ಲಿ ಸಿಪಿಐಎಂ ಪಕ್ಷದ ತಾಲೂಕು ಮುಖಂಡರುಗಳಾದ ಜಯಶ್ರೀ, ಧನಂಜಯ, ಸುಕುಮಾರ್, ಅಜಿ.ಎಂ.ಜೋಸ್ ಹಾಗೂ ಕಾರ್ಮಿಕ ಮುಖಂಡರುಗಲಾದ ದೇವಕಿ, ರಾಮಚಂದ್ರ, ಪುಷ್ಪ, ಅಶ್ವಿತ, ಶಾಜಿ, ನಯನ ಕುಮಾರಿ, ಮಹಿಳಾ ಸಂಘದ ಕಿರಣಪ್ರಭ, ಶ್ರೀಮತಿ ಕುಮಾರಿ, ಡಿ.ಎಚ್.ಎಸ್ ತಾಲೂಕು ಅಧ್ಯಕ್ಷ ಅಣ್ಣು, ವಿದ್ಯಾರ್ಥಿ ನಾಯಕ ವಿನುಶರಮಣ, ಯುವಜನ ನಾಯಕರಾದ ಅಧಿತಿ, ಜಯಂತ ಮೊದಲಾದವರು ಇದ್ದರು.
