ಶಿರ್ಲಾಲು ಗ್ರಾಮದ ಮಣಿಲ ಎಂಬಲ್ಲಿಯ ಪದ್ಮನಾಭ ಇವರ ಮನೆಯ ಸಮೀಪದಲ್ಲಿ ಅರಣ್ಯ ಇಲಾಖೆ ವೇಣೂರು ವಲಯದ ವತಿಯಿಂದ ಕೆಲವು ದಿನದಿಂದ ಇರಿಸಲಾದ ಬೋನಿಗೆ ಚಿರತೆಯೊಂದು ಅ.10 ರಂದು ಬಿದ್ದು ಸೆರೆಯಾಗಿದೆ.
ಕಾರ್ಯಾಚರಣೆಯಲ್ಲಿ ಅಳದಂಗಡಿ ಶಾಖೆಯ ಉಪವಲಯ ಅರಣ್ಯ ಅಧಿಕಾರಿ ಹರಿಪ್ರಸಾದ್, ಗಸ್ತು ವನ ಪಾಲಕ ಮಂಜುನಾಥ್ ಬಿ ಎಸ್, ಅರಣ್ಯ ವೀಕ್ಷಕ ರಾದ ವೆಂಕಪ್ಪ ನಾಯ್ಕ, ಪೂವಪ್ಪ ನಾಯ್ಕ ಹಾಗೂ ಸ್ಥಳೀಯರು ಭಾಗವಹಿಸಿದ್ದರು. ಚಿರತೆಯು ಆರೋಗ್ಯವಾಗಿದ್ದು ಇಲಾಖೆಯ ಪಶು ವೈದ್ಯರಿಂದ ಪರೀಕ್ಷೆಗೊಳಪಡಿಸಿ ಬಳಿಕ ಸುರಕ್ಷಿತವಾಗಿ ಸಂರಕ್ಷಿತಾರಣ್ಯಕ್ಕೆ ಬಿಡಲಾಗುವುದೆಂದು ವೇಣೂರು ವಲಯ ಅರಣ್ಯ ಅಧಿಕಾರಿ ಭರತ್ ಯು ಜಿ ತಿಳಿಸಿದ್ದಾರೆ.
