ಬೆಳ್ತಂಗಡಿ: ತುಳು ರಂಗಭೂಮಿಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ‘ಸಿಂಗಾರ ಕಲಾವಿದೆರ್ ಬಜಗೋಳಿ’ ತಂಡದ ಈ ವರ್ಷದ ಹೊಸ ತುಳು ನಾಟಕ ‘ಅಂಗೈ ಮದಿಮಾಲ್’ ರಂಗ ಪ್ರಯೋಗದ ಶುಭ ಮುಹೂರ್ತವು ಶೃಂಗೇರಿ ಶಾರದಾಂಬೆಯ ಪುಣ್ಯ ಸಾನಿಧ್ಯದಲ್ಲಿ ಅತ್ಯಂತ ಸಂಭ್ರಮದಿಂದ ಭಾನುವಾರ ನೆರವೇರಿತು.
ಅಶು ಬಜಗೋಳಿ ಅವರ ಸಾರಥ್ಯದಲ್ಲಿ ಹಾಗೂ ಗಣೇಶ್ ಬಿ. ಅಳಿಯೂರು ಅವರ ನಿರ್ದೇಶನದಲ್ಲಿ ಹಾಗೂ ಪ್ರವೀಣ್ ಶೆಟ್ಟಿ ಸಮಗ್ರ ನಿರ್ವಹಣೆಯಲ್ಲಿ ಈ ನಾಟಕವು ಮೂಡಿಬರಲಿದೆ. ಈ ಶುಭ ಸಮಾರಂಭದಲ್ಲಿ ನಾಟಕದ ತಂಡದ ಪ್ರಮುಖರಾದ ಅಶು ಬಜಗೋಳಿ, ಪ್ರವೀಣ್ ಶೆಟ್ಟಿ ಬಜಗೋಳಿ, ಅಶ್ವಥ್ ಚೆಂಡೆ, ಸುಧೀಶ್ ಪುತ್ತಿಗೆ, ಸಂಪತ್ ಸಾಣೂರು,ಶ್ಯಾಮ್ ಪ್ರಸಾದ್ ನಲ್ಲೂರು ಹಾಗೂ ಚೈತ್ರ ಕಡಾರಿ ಉಪಸ್ಥಿತರಿದ್ದರು. ತುಳು ರಂಗಭೂಮಿ ಪ್ರೇಕ್ಷಕರಿಗೆ ವಿಭಿನ್ನ ಮನರಂಜನೆ ನೀಡಲು ಸಜ್ಜಾಗುತ್ತಿರುವ ಈ ‘ಅಂಗೈ ಮದಿಮಾಲ್ ’ ನಾಟಕವು ಅತೀ ಶೀಘ್ರದಲ್ಲೇ ಪ್ರದರ್ಶನಗೊಳ್ಳಲಿದೆ.
