ನಾವೂರು: ಸರ್ವೋದಯ ಟ್ರಸ್ಟ್ ನಾವೂರು, ಆಯುಷ್ ಫೆಡರೇಶನ್ ರೇಷನ್ ಆಫ್ ಇಂಡಿಯಾ ದ. ಕ.,ರೋಟರಿ ಕ್ಲಬ್ ಬೆಳ್ತಂಗಡಿ ಪ್ರಸನ್ನ ಆಯುರ್ವೇದ ಕಾಲೇಜು ಮತ್ತು ಆಸ್ಪತ್ರೆ ಲಾಯಿಲ ಬೆಳ್ತಂಗಡಿ, ಶ್ರೀ ಬಾಹುಬಲಿ ಸೌಹಾರ್ದ ಪತ್ತಿನ ಸಹಕಾರಿ ಸಂಘ ಕಾರ್ಕಳ, ಬಂಗಾಡಿ ಸಹಕಾರಿ ವ್ಯವಸಾಯಿಕ ಸಂಘ ಬಂಗಾಡಿ ಇದರ ಸಹಭಾಗಿತ್ವದಲ್ಲಿ ರಕ್ತ ನಿಧಿ ಕೇಂದ್ರ ಕೆಎಂಸಿ ಆಸ್ಪತ್ರೆ ಮಂಗಳೂರು ಇವರ ಸಹಯೋಗದಲ್ಲಿ ಕನ್ನಡ ರಾಜ್ಯೋತ್ಸವದಂದು (ನ. 1)ಬೆಳಗ್ಗೆ ಬೃಹತ್ ರಕ್ತದಾನ ಶಿಬಿರವು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ನಾವೂರಿನಲ್ಲಿ ಜರುಗಲಿದ್ದು, ಈ ರಕ್ತದಾನ ಶಿಬಿರದ ಪ್ರಯುಕ್ತ ಪೂರ್ವ ತಯಾರಿ ಸಭೆಯು ಅ. 25 ರಂದು ಸಂಜೆ ನಾವೂರು ಸ.ಹಿ. ಪ್ರಾ ಶಾಲಾ ಬಳಿ ಜರುಗಿತು.
ನಾವೂರು ಆರೋಗ್ಯ ಕ್ಲಿನಿಕಿನ ಡಾ. ಪ್ರದೀಪ್ ಆಟಿಕುಕ್ಕೆ ಶಿಬಿರದ ಬಗ್ಗೆ ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ಸರ್ವೋದಯ ಟ್ರಸ್ಟ್ ನ ಅಧ್ಯಕ್ಷರು, ಸರ್ವ ಸದಸ್ಯರು, ವಿವಿಧ ಸಂಘಟನೆಗಳ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
ಬೆಳ್ತಂಗಡಿಯ ಖ್ಯಾತ ನ್ಯಾಯವಾದಿಗಳಾದ ಸೇವಿಯರ್ ಪಾಲೇಲಿ ನಾವೂರು , ಜಯಂತಗೌಡ ಗುರಿಪಳ್ಳ , ಶ್ಯಾಮಸುಂದರಗೌಡ ನಡ , ಪ್ರವೀಣ್ ವಿ ಜಿ ಕನ್ಯಾಡಿ , ಗಣೇಶ್ ಕನಾಲು , ಎ ಕೆ ಅಬ್ಬಾಸ್ , ಜನಾರ್ಧನಗೌಡ ಕಡ್ತ್ಯಾರು , ಪೂವಪ್ಪಗೌಡ ನಾವೂರು , ಮುನಿರಾಜ ಅಜ್ರಿ ನಡ ,ಅಜಿತ್ ಆರಿಗ, ನಡ, ರಾಮಣ್ಣ ಕುಂಬಾರ, ಕುಕ್ಕಾವು, ಸ್ವರೂಪ್ ನಾವೂರು , ಇನಾಸ್ ಕನ್ಯಾಡಿ, ನವಭಾರತ್ ಗೆಳೆಯರ ಬಳಗ ಇಂದಬೆಟ್ಟು ಸದಸ್ಯರು, ಮತ್ತಿತರ ಗಣ್ಯರು ಉಪಸ್ಥಿತರಿದ್ದರು. ಮೋಹನ್ ಬಂಗೇರ ಹಾಗೂ ಧರ್ಣಪ್ಪ ಮೂಲ್ಯ ಕಾರ್ಯಕ್ರಮವನ್ನು ನಿರ್ವಹಿಸಿದರು.
