ಉಜಿರೆ: ಎಸ್.ಡಿ.ಎಂ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (SDM IT) ಕಾಲೇಜಿನಲ್ಲಿ ಅ.29 ಮತ್ತು 30ರಂದು ಆಯೋಜಿಸಲಾಗಿದ್ದ ರಾಜ್ಯಮಟ್ಟದ ತಾಂತ್ರಿಕ ಮತ್ತು ಸಾಂಸ್ಕೃತಿಕ ಸಮ್ಮೇಳನದಲ್ಲಿ (State-Level Techno-Cultural Fest) ಅಭ್ಯಾಸ್ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ಅತ್ಯುತ್ತಮ ಪ್ರದರ್ಶನ ನೀಡಿ ಸಮಗ್ರ ರನ್ನರ್ಸ್-ಅಪ್ (Runner-Up) ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.
ರಸಪ್ರಶ್ನೆ ಸ್ಪರ್ಧೆಯಲ್ಲಿ(Quiz Competition)ಕಾಲೇಜಿನ ಸುವಿತ್ ರಾವ್ ಮತ್ತು ಚೇತನ್ ಕುಮಾರ್ ಎ. ಎಂ ಜೋಡಿಯು ಪ್ರಥಮ ಸ್ಥಾನ ಗಳಿಸಿ ಸಾಧನೆ ಮಾಡಿದೆ. ಅಂತೆಯೇ ಟ್ರೆಷರ್ ಹಂಟ್ ವಿಭಾಗದಲ್ಲಿ (Treasure Hunt): ಮಧುಶ್ರೀ, ಹಿಮಾ ಟಿ. ಎ, ಸುಜಿತ್ ನಾಯ್ಕ್ ಮತ್ತು ಶೈವಿಕ್ ಗೌಡ ಹೆಚ್. ಎ ಅವರ ತಂಡವು ತೀವ್ರ ಪೈಪೋಟಿಯ ನಡುವೆ ತೃತೀಯ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.
ಕಾರ್ಯಕ್ರಮದ ವಿಶೇಷ ಅಂಗವಾಗಿ ವೆರೈಟಿ ಸ್ಪರ್ಧೆಯನ್ನು ಆಯೋಜಿಸಲಾಗಿತ್ತು (Variety Competition) ಕಾಲೇಜಿನ ಒಟ್ಟು 43 ವಿದ್ಯಾರ್ಥಿಗಳ ಬೃಹತ್ ತಂಡವು ಈ ಸ್ಪರ್ಧೆಯಲ್ಲಿ ಭಾಗವಹಿಸಿ, ತಮ್ಮ ಅತ್ಯುತ್ತಮ ಸಾಂಸ್ಕೃತಿಕ ಪ್ರದರ್ಶನದ ಮೂಲಕ ಪ್ರಥಮ ಸ್ಥಾನವನ್ನು ಮುಡಿಗೇರಿಸಿಕೊಂಡಿದೆ. ಇವರ ಅದ್ಭುತ ಪ್ರದರ್ಶನಕ್ಕೆ 10,000 ರೂ. ಮೌಲ್ಯದ ಪ್ರೋತ್ಸಾಹಧನವನ್ನು (Gift Voucher) ನೀಡಿ ಗೌರವಿಸಲಾಗಿದೆ.
ವಿದ್ಯಾರ್ಥಿಗಳ ಸಾಧನೆಗೆ ಕಾಲೇಜಿನ ಆಡಳಿತ ಮಂಡಳಿ, ಪ್ರಾಂಶುಪಾಲರು ಹಾಗೂ ಉಪನ್ಯಾಸಕರು ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
