ಬೆಳ್ತಂಗಡಿ: ಆಶಾ ಯಂಗ್‌ಸ್ಟರ್ಸ್ ಕ್ಲಬ್ ಬೆಳ್ತಂಗಡಿ ಇದರ 2026- 27 ನೇ ಸಾಲಿನ ನೂತನ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭವು ಆ.31ರಂದುಕ್ಲಬ್ ನ ಸಭಾಂಗಣದಲ್ಲಿ ಜರಗಿತು.
ನಿರ್ಗಮನ ಅಧ್ಯಕ್ಷ ಜಯರಾಮ್ ಬಂಗೇರ ಮತ್ತು ಅವರ ಪದಾಧಿಕಾರಿಗಳ ತಂಡವು ನಿಯೋಜಿತ ಅಧ್ಯಕ್ಷ ಪಾಲಾಕ್ಷ ಸುವರ್ಣ ಮತ್ತು ಅವರ ಪದಾಧಿಕಾರಿಗಳ ತಂಡಕ್ಕೆ ಅಧಿಕಾರವನ್ನು ಹಸ್ತಾಂತರಿಸಿ ಶುಭ ಹಾರೈಸಿದರು.
ಬೆಳ್ತಂಗಡಿಯ ಹಿಂದುಳಿದ ವರ್ಗಗಳ ಮತ್ತು ಅಲ್ಪಸಂಖ್ಯಾತರ ಇಲಾಖೆಯ ನಿವೃತ್ತ ಮೇಲ್ವಿಚಾರಕ ಸುರೇಂದ್ರ ಎಸ್ ರವರು ಭಾಗವಹಿಸಿ ಸಂಘದಲ್ಲಿ ಪದಾಧಿಕಾರಿಗಳ ಪಾತ್ರ ದ ಬಗ್ಗೆ ಸಂದರ್ಭೋಚಿತವಾಗಿ ಮಾತನಾಡಿದರು.
ಈ ಸಂದರ್ಭದಲ್ಲಿ ಕ್ಲಬ್ ನ ಖಜಾಂಚಿ ನಾರಾಯಣ ಶೆಟ್ಟಿ, ಶಿವಪ್ಪ ಬಿರ್ವ, ದಯಾನಂದ ಶೆಟ್ಟಿ, ಶಿವರಾಮ ಹೆಗ್ದೆ, ರಫೀಕ್ ಗುರುವಾಯನಕೆರೆ, ಕೃಷ್ಣಪ್ಪ ಭಂಡಾರಿ, ಸಂಜೀವ ಬಿ.ಹೆಚ್ ., ಜೀವನ್ ಪತ್ರಾವೋ ಹಾಗೂ ಮಾಧ್ಯಮ ಪ್ರತಿನಿಧಿ ತುಕಾರಾಂ ಬಿ., ಉಪಸ್ಥಿತರಿದ್ದರು.
ಬಿ.ಲಕ್ಷ್ಮಣ ಪೂಜಾರಿ ಸ್ವಾಗತಿಸಿ, ಕಾರ್ಯದರ್ಶಿ ಸಂತೋಷ್ ಕರ್ಕೇರ ಧನ್ಯವಾದವಿತ್ತರು.
