ಬೆಳ್ತಂಗಡಿ: ಜೂ.3ರಂದು ನಡೆದ ವಿಧಾನ ಪರಿಷತ್ನ ಚುನಾವಣೆಯಲ್ಲಿ ಬೆಳ್ತಂಗಡಿ ವಿಧಾನ ಸಭಾ ಕ್ಷೇತ್ರದಲ್ಲಿ ಪದವಿಧರ ಕ್ಷೇತ್ರದಲ್ಲಿ ಶೇ 78.82 ಹಾಗೂ ಶಿಕ್ಷಕರ ಕ್ಷೇತ್ರದಲ್ಲಿ ಶೇ 81.54 ಮತದಾನ ದಾಖಲಾಗಿದೆ. ಪದವೀಧರ ಕ್ಷೇತ್ರದಲ್ಲಿ 1543 ಮತದಾರರಿದ್ದು ಇವರಲ್ಲಿ 1216 ಮಂದಿ ಮತದಾರರು ತಮ್ಮ ಮತವನ್ನು ಚಲಾಯಿಸಿದ್ದಾರೆ.
ಇವರಲ್ಲಿ 686 ಪುರುಷರ ಪೈಕಿ 573 ಹಾಗೂ 857 ಮಹಿಳೆಯರ ಪೈಕಿ 643 ಮತದಾರರು ಮತ ಚಲಾಯಿಸಿದ್ದು, ಶೇಕಡ 78.82 ಮತದಾನವಾಗಿದೆ. ಶಿಕ್ಷಕರ ಕ್ಷೇತ್ರದಲ್ಲಿ 878 ಮತದಾರರಿದ್ದು ಇವರಲ್ಲಿ 716 ಮಂದಿ ಮತದಾರರು ತಮ್ಮ ಮತ ಚಲಾಯಿಸಿ ಶೇ 81.54 ಮತದಾನವಾಗಿದೆ. 350 ಪುರುಷರ ಪೈಕಿ 323ಹಾಗೂ 508 ಮಹಿಳಾ ಮತದಾರ 393 ಪೈಕಿ ಮತ ಚಲಾಯಿಸಿದ್ದಾರೆ.
ತಾಲೂಕು ಆಡಳಿತ ಸೌಧದಲ್ಲಿಒಟ್ಟು ಮೂರು ಬೂತ್ ಗಳಲ್ಲಿ ಮತದಾನ ನಡೆದಿದ್ದು ಪದವಿಧರ ಕ್ಷೇತ್ರದ ಚುನಾವಣೆಗೆ ಎರಡು ಹಾಗೂ ಶಿಕ್ಷಕರ ಕ್ಷೇತ್ರದ ಚುನಾವಣೆಗೆ ಒಂದು ಬೂತ್ ನಲ್ಲಿ ಮತದಾನ ನಡೆಯಿತು. ಅಗತ್ಯ ಸಂದರ್ಭಕ್ಕೆ ಒಂದು ಬೂತನ್ನು ಹೆಚ್ಚುವರಿ ಆಗಿ ವ್ಯವಸ್ಥೆ ಮಾಡಲಾಗಿತ್ತು. ಪ್ರತಿ ಬೂತ್ ಗೆ ತಲಾ ಓರ್ವ ಪಿ ಆರ್ ಒ, ಎಪಿಆರ್ ಒ,ಡಿ ಗ್ರೂಪ್, ವಿಡಿಯೋ ಆಬ್ಜರ್ವರ್, ಮೈಕ್ರೋ ಆಬ್ಜರ್ವರ್, ಪೋಲಿಸ್ ಹಾಗೂ ತಲಾ ಇಬ್ಬರು ಪಿಒ ಕಾರ್ಯನಿರ್ವಹಿಸಲಿದ್ದಾರೆ.ಒಟ್ಟು 24 ಸಿಬ್ಬಂದಿಯನ್ನು ಚುನಾವಣಾ ಕರ್ತವ್ಯಕ್ಕೆ ನಿಯೋಜಿಸಲಾಗಿತ್ತು.
