ಬೆಳ್ತಂಗಡಿ : ಕಳೆಂಜ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಪಂಚಾಯತ್ ವತಿಯಿಂದ ಅಳವಡಿಸಿದ ಸೋಲಾರ್ ಲೈಟ್ ಕಳವಾಗಿರುವ ಘಟನೆ ಸೆ.30 ರಂದು ನಡೆದಿದೆ,.
2021-22 ಸಾಲಿನ 15ನೇ ಹಣಕಾಸು ಯೋಜನೆಯಲ್ಲಿ ಅಳವಡಿಸಿದ ಸೋಲಾರ್ ಲೈಟ್ ಕಳವು ಆಗಿದ್ದು , ಕಳೆಂಜ ಗ್ರಾಮದ ಕುಂಟ್ಯಾನ್ ಎಂಬಲ್ಲಿಯ ಸುಲೈಮಾನ್ ಅವರ ಮನೆ ಹತ್ತಿರ ರೂ.25000/- ಮೌಲ್ಯದ ಸೋಲಾರ್ ಲೈಟ್, ಕಟ್ಲಾಜೆ ಎಂಬಲ್ಲಿಯ ಜಯರಾಜ್ ಎಂಬವರ ಮನೆ ಹತ್ತಿರ ರೂ.25000 ಮೌಲ್ಯದ ಸೋಲಾರ್ ಲೈಟ್ , ನಿಡ್ಡಾಜೆ ಕ್ರಾಸ್ ಬಳಿ ರೂ.25000 ಮೌಲ್ಯದ ಸೋಲಾರ್ ಲೈಟ್ ಕಳವಾಗಿರುತ್ತದೆ.
ಸದ್ರಿ ಸ್ಥಳಗಳಲ್ಲಿ ಅಳವಡಿಸಿದ ಸೋಲಾರ್ ಲೈಟ್ ಕಳವು ಆಗಿರುವ ಕುರಿತು ಧರ್ಮಸ್ಥಳ ಪೊಲೀಸ್ ಠಾಣೆಗೆ ದೂರು ನೀಡಲಾಗಿದ್ದು ಪೊಲೀಸರು ಸ್ಥಳಕ್ಕೆ ಆಗಮಿಸಿ ತನಿಖೆ ನಡೆಸುತ್ತಿದ್ದಾರೆ.
