ಕಾಯರ್ತಡ್ಕ : ಕ್ಯಾನ್ ಫಿನ್ ಹೋಂಮ್ಸ್ ಲಿಮಿಟೆಡ್ ಇದರ ವತಿಯಿಂದ ಸರಕಾರಿ ಪ್ರೌಢ ಶಾಲೆ ಕಾಯರ್ತಡ್ಕ ಇಲ್ಲಿಗೆ ನ್ಯಾಪ್ ಕಿನ್ ಇನ್ಸಿನರೇಟರ್ ಮತ್ತು ನ್ಯಾಪ್ ಕಿನ್ ವೆಂಡಿಂಗ್ ಮೆಷಿನ್ ಇವುಗಳನ್ನು ಕೊಡುಗೆಯಾಗಿ ನೀಡಲಾಯಿತು.
ರೋಟರಿ ಕ್ಲಬ್ ಬೆಳ್ತಂಗಡಿ ಹಾಗೂ ರೋಟರಿ ಇಂದಿರನಗರ ಬೆಂಗಳೂರು ಇವರ ಸಹಭಾಗಿತ್ವದಲ್ಲಿ ಕ್ಯಾನ್ ಫಿನ್ ಹೋಂಮ್ಸ್ ಲಿಮಿಟೆಡ್ ಈಗಾಗಲೇ ಹೆಣ್ಣು ಮಕ್ಕಳಿಗೆ ಸುಸಜ್ಜಿತವಾದ ಶೌಚಾಲಯ ನಿರ್ಮಿಸಿ ಕೊಟ್ಟಿದ್ದರು. ಈ ಶೌಚಾಲಯವು ರಾಜ್ಯದಲ್ಲೇ ಒಂದು ಮಾದರಿ ಶೌಚಾಲಯ ಎಂಬ ಪ್ರಶಂಸೆ ಪಡೆದಿತ್ತು.
ಮಕ್ಕಳ ಸ್ವಚ್ಛತೆ ಹಾಗೂ ಆರೋಗ್ಯ ದೃಷ್ಟಿಯಿಂದ ಈ ಕೊಡುಗೆಯನ್ನು ನೀಡಿದ್ದು ಇದನ್ನು ಈಗಾಗಲೇ ಶಾಲಾ ಶೌಚಾಲಯದಲ್ಲಿ ಅಳವಡಿಸಲಾಗಿದೆ. ಈ ಉಪಕರವನ್ನು ಬೆಂಗಳೂರಿನ ನೇಚರ್ ಕೇರ್ ಸೊಲ್ಯೂಷನ್ ನವರು ಸರಬರಾಜು ಮಾಡಿದ್ದು, ಉಪಕರಣದ ಬಳಕೆ ಬಗ್ಗೆ ಸೂಕ್ತ ಪ್ರಾತ್ಯಕ್ಷಿಕೆ ನೀಡಿರುತ್ತಾರೆ.
ಕ್ಯಾನ್ ಫಿನ್ ಹೋಂಮ್ಸ್ ಲಿಮಿಟೆಡ್ ಇವರಿಗೆ ಶಿಕ್ಷಕರು, ಪೋಷಕರು ಹಾಗೂ ಎಸ್.ಡಿ.ಎಂ.ಸಿ ಸಮಿತಿಯವರು ಧನ್ಯವಾದಗಳನ್ನು ತಿಳಿಸಿರುತ್ತಾರೆ.
