ಬೆಳ್ತಂಗಡಿ: ಸರ್ಬಿಯಾದ ಸುಬೋಟಿಕಾದಲ್ಲಿ ನಡೆದ ಇಂಟರ್ ನ್ಯಾಷನಲ್ ಮಾಸ್ಟರ್ (ಐಎಂ) ನಾರ್ಮ್ ರೌಂಡರ್ ರಾಬಿನ್ ಪಂದ್ಯಾವಳಿಯಲ್ಲಿ ಬೆಳ್ತಂಗಡಿಯ ಇಶಾ ಶರ್ಮಾರವರು ಮಹಿಳಾ ಗ್ರ್ಯಾಂಡ್ ಮಾಸ್ಟರ್ ಬಿರುದನ್ನು ಪಡೆಯಲು ಬೇಕಾದ ಅಂತಿಮ ಹಂತದ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿದ್ದಾರೆ.
ಈ ಮೂಲಕ ಜಿಎಂ ಬಿರುದು ಪಡೆದ ರಾಜ್ಯದ ಮೊದಲ ಮಹಿಳಾ ಆಟಗಾರ್ತಿಯಾಗಿ ಇಶಾ ಇತಿಹಾಸ ನಿರ್ಮಿಸಿದ್ದಾರೆ. 2019ರಲ್ಲಿ ರಾಜ್ಯದ ಮೊದಲ ಇಂಟರ್ ನ್ಯಾಷನಲ್ ಮಾಸ್ಟರ್‌ಆಗಿ ಗುರುತಿಸಿಕೊಂಡಿದ್ದ ಇಶಾ ಶರ್ಮಾ, ಮಹಿಳಾ ಜಿಎಂ ಆಗಲು ಬೇಕಾದ ಮೊದಲ ಹಂತದ ನಾರ್ಮ್ ಅನ್ನು ಪ್ಲೊವೇಕಿಯಾದಲ್ಲಿ 2022ರಲ್ಲಿ ಪೂರ್ಣಗೊಳಿಸಿದ್ದರು. 2ನೇ ನಾರ್ಮ್ 2023ರಲ್ಲಿ ಮೊರಾಕ್ಕೋದಲ್ಲಿ ಪೂರ್ಣಗೊಂಡಿತ್ತು. 2022ರ ಆಗಸ್ಟ್‌ನಲ್ಲಿ ಜಿಎಂ ನಾರ್ಮ್‌ಗೆ ಬೇಕಾದ 2300 ರೇಟಿಂಗನ್ನು ಕೂಡ ಇಶಾ ದಾಟಿಸಿದ್ದರು.
ಇವರು ಬೆಳ್ತಂಗಡಿಯ ನಿವಾಸಿ ತಂದೆ ವೈದ್ಯರಾದ ಶ್ರೀಹರಿ, ತಾಯಿ ವಿದ್ಯಾ ರವರ ಪುತ್ರಿ. ಚೆಸ್ ಬಗ್ಗೆ ಒಲವು ಹೊಂದಿದ್ದ ಇಶಾರನ್ನು ಮಂಗಳೂರಿನ ಚೆಸ್ ಅಕಾಡೆಮಿಗೆ ಕಳುಹಿಸಿದರು. ಅಲ್ಲಿ ಇಶಾಗೆ ಅರವಿಂದ್ರ ಶಾಸ್ತ್ರಿ ಶಿವಾನಂದ ಮತ್ತು ರಾಘವೇಂದ್ರ ಅವರಿಂದ ತರಬೇತಿ ಸಿಕ್ಕಿತು. 11ನೇ ವಯಸ್ಸಿನಲ್ಲಿ ಇಶಾ ಮೊದಲ ಟೂರ್ನಿಯಲ್ಲಿ ಪಾಲ್ಗೊಂಡು ಗಮನ ಸೆಳೆದರು. ಬಳಿಕ 2015ರಲ್ಲಿ ಏಷ್ಯನ್ ಶಾಲೆಗಳ ಅ-15 ಚಾಂಪಿಯನ್‌ಶಿಪ್‌ ನಲ್ಲಿ ಇಶಾ ಕಂಚಿನ ಪದಕ ಗೆದ್ದರು. 2017ರಲ್ಲಿ ಏಷ್ಯನ್ ಜೂನಿಯರ್‌ಗರ್ಲ್ಸ್ ರಾಪಿಡ್ ಚಾಂಪಿಯನ್ ಆದರು.
