ಮಚ್ಚಿನ: ನೆವಲ್ ಯುನಿಟ್, ಎನ್ಸಿಸಿ ಎಂಡಿಆರ್ಎಸ್ ಮಚ್ಚಿನ ಮತ್ತು ಪುಂಜಾಲಕಟ್ಟೆ ಆರಕ್ಷಕ ಠಾಣೆ ಇವರ ಸಹಯೋಗದಲ್ಲಿ, ಡಿ. 10ರಂದು ಅಪರಾಧ ತಡೆ ಮಾಸಚರಣೆ ಕಾರ್ಯಕ್ರಮ ಮಚ್ಚಿನ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ನಡೆಯಿತು.
ಪುಂಜಾಲಕಟ್ಟೆ ಠಾಣೆಯ ಎಸ್.ಐ ಸಿಕಂದರ್ ಪಾಷರವರು ಸುಮಾರು 3ಗಂಟೆಗಳಷ್ಟು ಕಾಲ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿ, ವಿದ್ಯಾರ್ಥಿಗಳಲ್ಲಿ ಸಕಾರಾತ್ಮಕ ಚಿಂತನೆಗಳನ್ನು ಬೆಳೆಸಿ ಸಮಾಜದಲ್ಲಿ ಉತ್ತಮ ಪ್ರಜೆಯಾಗಿ ಬಾಳಬೇಕೆಂದು ಪ್ರೇರೇಪಿಸಿದರು. ಪ್ರಸ್ತುತ ಸಮಾಜದಲ್ಲಿ ಶೂನ್ಯ ಅಪರಾಧ ನಡೆಸುವಲ್ಲಿ ವಿದ್ಯಾರ್ಥಿಗಳ ಪಾತ್ರ ಬಹುಮುಖ್ಯ ಎಂದು ವಿದ್ಯಾರ್ಥಿಗಳಿಗೆ ತಿಳಿಸಿದರು.
ಮೊರಾರ್ಜಿ ಶಾಲೆಯ ಪ್ರಾಂಶುಪಾಲರು ಶ್ರೀಮತಿ ಅಕ್ಷತಾ ಮತ್ತು ಎ.ಎನ್.ಒ ಬೇಬಿ ಸುಪ್ರೀತಾ ಬಿ.ಎನ್ ಉಪಸ್ಥಿತರಿದ್ದರು.
