ಬೆಳ್ತಂಗಡಿ: ಶ್ರೀ ಉಳಾಳ್ತಿ ಗೆಳೆಯರ ಬಳಗದ ವತಿಯಿಂದ 44ನೇ ಸೇವಾ ಯೋಜನೆಯ ಧನಸಹಾಯವನ್ನು ರಸ್ತೆ ಅಪಘಾತದಲ್ಲಿ ಮೂಳೆ ಮುರಿತಕ್ಕೊಳಗಾಗಿ ಶಸ್ತ್ರಚಿಕಿತ್ಸೆ ಪಡೆದು ಸದ್ಯ ವಿಶ್ರಾಂತಿಯಲ್ಲಿರುವ ಉಳಾಳ್ತಿ ಗೆಳೆಯರ ಬಳಗದ ಸದಸ್ಯ ನಾರಾಯಣ ಶೆಟ್ಟಿ ನಿಸರ್ಗ ಅವರಿಗೆ ರೂ. 28,500/- ಮೊತ್ತದ ಚೆಕ್ ಅನ್ನು ಗ್ರಾಮ ಪಂಚಾಯತ್ ಮಾಜಿ ಸದಸ್ಯ ಸದಾಶಿವ ಕಕ್ಕಿಂಜೆ ಇವರ ಮೂಲಕ ಫಲಾನುಭವಿಗೆ ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ಬಳಗದ ಕಾರ್ಯದರ್ಶಿ ನಾರಾಯಣ ಶೆಟ್ಟಿ ಕುಡೆಂಚ, ಸನತ್ ಕುಮಾರ್ ಮೂರ್ಜೆ, ದಿವಾಕರ ಪೂಜಾರಿ ಬೀಜದಪಳಿಕೆ ಉಪಸ್ಥಿತರಿದ್ದರು.
