ಬೆಳ್ತಂಗಡಿ: ಡಾ| ಪ್ರದೀಪ್ ನಾವೂರು ಇವರು ಬೆಳ್ತಂಗಡಿ ತಾಲೂಕಿನಲ್ಲಿ ಒಬ್ಬ ವೈದ್ಯರಾಗಿ, ಸಮಾಜ ಸೇವಕರಾಗಿ ಹಾಗೂ ಸಂಘಟಕರಾಗಿ ಗುರುತಿಸಿಕೊಂಡಿರುತ್ತಾರೆ. ಹೀಗಿರುವಲ್ಲಿ ಡಾ| ಪ್ರದೀಪ್ ನಾವೂರು ರವರ ಆರೋಗ್ಯ ಕ್ಲೀನಿಕ್ ಎಂಬಲ್ಲಿ ವೈದ್ಯರಾಗಿ ಸೇವೆಯನ್ನು ಸಲ್ಲಿಸುತ್ತಿದ್ದು, ನಿನ್ನೆಯ ದಿನ ರಾತ್ರಿ ಡಾ| ಪ್ರದೀಪ್ ನಾವೂರು ಇವರು ತಮ್ಮ ಕೆಲಸವನ್ನು ಮುಗಿಸಿ ಮನೆಗೆ ಹೋದ ನಂತರ ಅವರ ಕ್ಲೀನಿಕ್‌ಗೆ ಯಾವುದೋ ದುಷ್ಕರ್ಮಿಗಳು ಅವರ ಕ್ಲೀನಿಕ್ ನ ಹಿಂಬದಿ ಕಿಟಕಿಯನ್ನು ತೆಗೆದು ಡೀಸೆಲ್ ಚೆಲ್ಲಿ ಬೆಂಕಿಯನ್ನು ನೀಡಿರುತ್ತಾರೆ ಎಂದು ಡಾ| ಪ್ರದೀಪ್ ನಾವುರ ರವರು ಈಗಾಗಲೇ ಬೆಳ್ತಂಗಡಿ ಆರಕ್ಷಕ ಠಾಣೆಗೆ ದೂರನ್ನು ನೀಡಿರುವ ವಿಚಾರ ನಮಗೆ ತಿಳಿದುಬಂದಿರುತ್ತದೆ. ಈ ಘಟನೆಯನ್ನು ಬ್ರಾಹ್ಮಣ ಸಭಾದ ಪರವಾಗಿ ನಾವು ಖಂಡಿಸುತ್ತಿದ್ದು, ಈ ಕೃತ್ಯವನ್ನು ಎಸಗಿದ ದುಷ್ಕರ್ಮಿಗಳನ್ನು ಪೋಲೀಸ್ ಇಲಾಖೆಯ ಮೂಲಕ ಬಂಧಿಸಿ ಸೂಕ್ತ ಕಾನೂನುಕ್ರಮವನ್ನು ಕೈಗೊಳ್ಳಬೇಕಾಗಿ ಬೆಳ್ತಂಗಡಿ ಬ್ರಾಹ್ಮಣ ಮಹಾ ಸಭಾದ ಪರವಾಗಿ ವಿನಂತಿಸುತ್ತಿದ್ದೇವೆ.
ಅಲ್ಲದೇ ಡಾ। ಪ್ರದೀಪ್ ನಾವುರ ಮತ್ತು ಇವರ ಕುಟುಂಬಕ್ಕೆ ಸೂಕ್ತ ಭದ್ರತೆಯನ್ನು ಪೋಲೀಸ್ ಇಲಾಖೆ ಕೊಟ್ಟು ಭವಿಷ್ಯದಲ್ಲಿ ಅವರಿಗೆ ಯಾವುದೇ ತೊಂದರೆಯಾಗದಂತೆ ಅಗತ್ಯ ಕ್ರಮಗಳನ್ನು ತಾವು ಕೈಗೊಳ್ಳಬೇಕಾಗಿ ವಿನಂತಿಸುತ್ತಿದ್ದೇವೆ ಎಂದು ಬ್ರಾಹ್ಮಣ ಸಂಘದ ಅಧ್ಯಕ್ಷ ಶರತ್ ಕೃಷ್ಣ ಪಡ್ವೆಟ್ನಾಯ ಹಾಗೂ ಕಾರ್ಯದರ್ಶಿ ಬಿ.ಕೆ ಧನಂಜಯ ರಾವ್ ತಿಳಿಸಿದ್ದಾರೆ.
