ಬೆಳ್ತಂಗಡಿ : ಯಕ್ಷಗಾನ ಕ್ಷೇತ್ರದಲ್ಲಿ ಹಾಸ್ಯ ಕಲಾವಿದನಾಗಿ ವಿಶೇಷ ಸಾದನೆಗೈದು ಜಿಲ್ಲಾ ರಾಜ್ಯೋತ್ಸವ
ಪ್ರಶಸ್ತಿ ಪುರಸ್ಕೃತಗೊಂಡ ಸುಂದರ ಬಂಗಾಡಿ ಇವರನ್ನು ಬೆಳ್ತಂಗಡಿ ಪ್ರೊಫೆಷನಲ್ ಕೊರಿಯರ್ ಸಿಬ್ಬಂದಿ ವರ್ಗದವರು ಸನ್ಮಾನಿಸಿ ಗೌರವಿಸಿದರು.
ಪ್ರೊಫೆಷನಲ್ ಕೊರಿಯರ್ ನ ಪ್ರಬಂಧಕರಾದ ರಾಜೀವ್ ಬಿ.ಹೆಚ್ ರವರು ಮಾತನಾಡಿ ಸುಂದರ ಬಂಗಾಡಿಯವರು ವಿಶೇಷ ಪ್ರತಿಭೆವುಳ್ಳವರು ಇವರ ಪ್ರತಿಭೆಯನ್ನು ಗುರುತಿಸಿ ರಾಜ್ಯೋತ್ಸವ ಜಿಲ್ಲಾ ಪ್ರಶಸ್ತಿ ನೀಡಿರುವುದು ಬೆಳ್ತಂಗಡಿಯ ಜನತೆಗೆ ಅತೀವ ಸಂತಸ ತಂದಿದೆ ಯಕ್ಷಗಾನ ಕ್ಷೇತ್ರದಲ್ಲಿ ಇವರ ಹೆಸರು ಅಂತರಾಷ್ಟ್ರೀಯ ಮಟ್ಟದಲ್ಲಿ ಪಸರಿಸಲಿ ಎನ್ನುತ್ತಾ ಶುಭ ಹಾರೈಸಿದರು.
ಸನ್ಮಾನವನ್ನು ಸ್ವೀಕರಿಸಿದ ಸುಂದರ ಬಂಗಾಡಿಯವರು ನಿಮ್ಮ ಈ ಅಭಿಮಾನಕ್ಕೆ ನಾನು ಚಿರಋಣಿಯಾಗಿದ್ದೇನೆ ದೈವ ದೇವರ ಮೇಲೆ ನಂಬಿಕೆ ಇಟ್ಟು ಗುರು ಹಿರಿಯರ ಮೇಲೆ ಗೌರವವನ್ನು ಇಟ್ಟು ಜೀವನ ನಡೆಸಿದಲ್ಲಿ ನಾವು ಯಶಸ್ಸನ್ನು ಕಾಣಬಹುದು ರಾಜೀವ್ ಬಿ.ಹೆಚ್ . ರವರು ಓರ್ವ ಕಲಾವಿದನಾಗಿ ಮತ್ತೊಬ್ಬ ಕಲಾವಿದನನ್ನು ಗುರುತಿಸುವ ಕೆಲಸವನ್ನು ಮಾಡಿದ್ದಾರೆ ಅದಕ್ಕಾಗಿ ನಿಮ್ಮೆಲ್ಲರಿಗೂ ಚಿರಋಣಿಯಾಗಿದ್ದೇನೆ ಎನ್ನುತ್ತಾ ಕೃತಜ್ಞತೆಯನ್ನು ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಸಿಬ್ಬಂದಿಗಳಾದ ಯಶೋಧರ ,ರಮೇಶ, ಸುಂದರ, ಅಖಿಲ, ಸುಮಿತ, ಕವಿತಾ, ಪ್ರೀತಿ, ಅಂಕಿತ, ರಕ್ಷಾ ಹಾಗೂ ಸುಂದರ ಬಂಗಾಡಿಯವರ ಶ್ರೀಮತಿಯಾದ ಪ್ರೊಫೆಷನಲ್ ಕೊರಿಯರ್ ನ ಸಿಬ್ಬಂದಿ ಜಯಂತಿ ಉಪಸ್ಥಿತರಿದ್ದರು.ಪ್ರಬಂಧಕರಾದ ರಾಜೀವ್ ಬಿ. ಎಚ್ ರವರು ಸ್ವಾಗತಿಸಿ ಧನ್ಯವಾದ ನೀಡಿದರು.
