ಬೆಳ್ತಂಗಡಿ : ಬೀಟ್ ರಾಕರ್ಸ್ ಡ್ಯಾನ್ಸ್ ಅಕಾಡೆಮಿ ಬೆಳ್ತಂಗಡಿ ಇದರ 12 ನೇ ವರ್ಷದ ಬೆಳ್ತಂಗಡಿ ಸ್ಟಾರ್ ನೈಟ್ ಡಾನ್ಸ್ ಫ್ಲೆಮ್ ಕಾರ್ಯಕ್ರಮ ಶ್ರಮಿಕ ಆಶ್ರಯದಲ್ಲಿ ಮಾ.4 ರಂದು ಬೆಳ್ತಂಗಡಿ ಮಾರಿಗುಡಿ ಮೈದಾನದಲ್ಲಿ ಅದ್ದೂರಿಯಾಗಿ ನಡೆಯಿತು.
ಲಕ್ಷ್ಮೀ ಗ್ರೂಪ್ ಉಜಿರೆ ಇದರ ಮಾಲಕ ಮೋಹನ್ ಕುಮಾರ್ ಅಧ್ಯಕ್ಷತೆಯಲ್ಲಿ ನಡೆದ ಸಭಾ ಕಾರ್ಯಕ್ರಮವನ್ನು ಸಂಸ್ಥೆಯ ನಿರ್ದೇಶಕ ಜಿತೇಶ್ ಕುಮಾರ್ ಇವರ ಮಾತೃಶ್ರೀ ರೇವತಿ ಉದ್ಘಾಟಿಸಿದರು.
ಕಾರ್ಯಕ್ರಮದಲ್ಲಿ ನಗರ ಸಭಾ ಸದಸ್ಯ ಶರತ್ ಕುಮಾರ್, ಬೆಳ್ತಂಗಡಿ ಮಾದರಿ ಶಾಲೆಯ ಎಸ್.ಡಿ.ಎಂ.ಸಿ ಅಧ್ಯಕ್ಷ ನೀನಾಕುಮಾರ್, ಬೆಳ್ತಂಗಡಿ ಜೆಸಿಐ ಅಧ್ಯಕ್ಷ ಶಂಕರ್ ರಾವ್, ವಿಜಯಕುಮಾರ್ ಜೈನ್ ಆಮಂತ್ರಣ, ಬೆಳ್ತಂಗಡಿ ಜೆಸಿಐ ಮಾಜಿ ಅಧ್ಯಕ್ಷ ಕಿರಣ್ ಕುಮಾರ್ ಶೆಟ್ಟಿ , ಪ್ರಮೀಳ ಅಜಿತ್ ಶೆಟ್ಟಿ, ಸುಚಿತ್ರ ರಾಜೇಶ್ ಶೆಟ್ಟಿ ನವಶಕ್ತಿ ಗುರುವಾಯನಕೆರೆ, ಅಶೋಕ್ ಕುಮಾರ್ ಹಾಗೂ ಸಂಸ್ಥೆಯ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
ಸಂಸ್ಥೆಯ ಅಧ್ಯಕ್ಷೆ ಪ್ರತಿಮಾ ಗೌಡ ಸ್ವಾಗತಿಸಿ, ಸಂಸ್ಥೆಯ ನೃತ್ಯ ನಿರ್ದೇಶಕ ಜಿತೇಶ್ ಕುಮಾರ್ ಧನ್ಯವಾದ ಸಮರ್ಪಿಸಿದರು. ಕುಮಾರಿ ಕೀರ್ತಿ ನಿರೂಪಿಸಿದರು.
ಕಾರ್ಯಕ್ರಮದಲ್ಲಿ ಸೆಲೆಬ್ರಿಟಿಗಳಾದ ಕುಮಾರಿ ಶ್ರಾವ್ಯ, ಕುಮಾರಿ ಪ್ರಾಣಮ್ಯ, ಮನೀಶ್ ಶೆಟ್ಟಿ, ದೀಕ್ಷಿತ ಪೂಜಾರಿ ಭಾಗವಹಿಸಿದ್ದು, ಸಭಾ ಕಾರ್ಯಕ್ರಮದ ಬಳಿಕ ಕುಸಲ್‌ದ ಕುರ್ಲರಿ, ಬೀಟ್ ರಾಕರ್ಸ್ ತಂಡ ಹಾಗೂ ವಿವಿಧ ನೃತ್ಯ ತಂಡದಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಮೂಡಿಬಂತು.
