ಬೆಳ್ತಂಗಡಿ; ಮದ್ದಡ್ಕ ನೂರುಲ್ ಹುದಾ ಜುಮಾ ಮಸ್ಜಿದ್‌ನ ನೂತನ ಆಡಳಿತ ಕಚೇರಿ ಉದ್ಘಾಟನೆಯು ಜು.21 ರಂದು ನಡೆಯಿತು.
ಮಸ್ಜಿದ್ ಖತೀಬ್ ಹಸನ್ ಮುಬಾರಕ್ ಸಖಾಫಿ ಉದ್ಘಾಟಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಅಶ್ರಫ್ ಚಿಲಿಂಬಿ ವಹಿಸಿದ್ದರು. ಸಮಾರಂಭದಲ್ಲಿ ಹಿರಿಯ ವಿದ್ವಾಂಸರಾದ ಯಾಕೂಬ್ ಮುಸ್ಲಿಯಾರ್, ಸಲೀಮ್ ತಂಙಳ್, ಮುಹಮ್ಮದ್ ಬಶೀರ್ ಲತೀಫಿ, ಕೋಶಾಧಿಕಾರಿ ರಿಯಾಝ್ ಸಬರಬೈಲ್, ಉಪಾಧ್ಯಕ್ಷರಾದ ಸಾಲಿಹ್ ಆಲಂದಿಲ ಮತ್ತು ಹೈದರ್ ಕಾಂಟ್ರಾಕ್ಟರ್, ಜೊತೆ ಕಾರ್ಯದರ್ಶಿಗಳಾದ ಸಾದಿಕ್ ದರ್ಖಾಸ್ ಮತ್ತು ಎನ್.ಎಸ್ ಉಮರ್ ಮಾಸ್ಟರ್, ಲೆಕ್ಕ ಪರಿಶೋಧಕ ಪಿ.ಎಮ್ ಅಹ್ಮದ್ ಇಬ್ರಾಹಿಂ ಮತ್ತು ಕಮಿಟಿ ಸದಸ್ಯರು, ಜಮಾಅತ್ ನ ಹಿರಿಯರು ಭಾಗವಹಿಸಿದ್ದರು.
ಪ್ರದಾನ ಕಾರ್ಯದರ್ಶಿ ಎಂ ಸಿರಾಜ್ ಚಿಲಿಂಬಿ ಸ್ವಾಗತಿಸಿ ವಂದಿಸಿದರು.
