ಮುಂಡಾಜೆ: ಮಜಲು ನಿವಾಸಿ ಸಂಪಿಗೆ ಮನೆ ವಿಠಲ ರಾವ್(87ವ) ಅಲ್ಪಕಾಲದ ಅಸೌಖ್ಯದಿಂದ ಮೇ.2ರಂದು ಸ್ವಗೃಹದಲ್ಲಿ ನಿಧನ ಹೊಂದಿದರು.
ಸಮಾಜಸೇವಕರಾಗಿದ್ದ ಅವರು ಯಕ್ಷಗಾನ, ನಾಟಕ ಕಲಾವಿದರಾಗಿದ್ದು, ಬಣ್ಣಗಾರಿಕೆಯನ್ನು ನಿರ್ವಹಿಸುತ್ತಿದ್ದರು . ಉತ್ತಮ ಸಂಘಟಕರಾಗಿದ್ದ ಅವರು ಸ್ಥಳೀಯ ಹಲವಾರು ಸಂಘ-ಸಂಸ್ಥೆಗಳಲ್ಲಿ ತೊಡಗಿಸಿಕೊಂಡಿದ್ದರು. ಮುಂಡಾಜೆ ಸರಕಾರಿ ಶಾಲೆಯ ಶತಮಾನೋತ್ಸವ ಸಮಿತಿಯ ಪದಾಧಿಕಾರಿಗಳಲ್ಲಿ ಓರ್ವರಾಗಿದ್ದ ಅವರು ಶಾಲೆಯ ಅಭಿವೃದ್ಧಿಯ ಕಾರ್ಯಗಳಲ್ಲು ತೊಡಗಿಸಿಕೊಂಡಿದ್ದರು.
ಮೃತರು ಪತ್ನಿ ರುಕ್ಮ ಬಾಯಿ, ಪುತ್ರಿಯರಾದ ಶೋಭಾ, ಉಮಾವತಿ, ಜಯಂತಿ, ಮಾಲತಿ ಹಾಗೂ ಪುತ್ರ ಉಮೇಶ್ ರಾವ್ ರವರನ್ನು ಅಗಲಿದ್ದಾರೆ.
