ಬೆಳ್ತಂಗಡಿ : ತುಳುವರ ಹಲವು ದಶಕಗಳ ಕನಸು ತುಳು ಭಾಷೆಯು ಕರ್ನಾಟಕ ರಾಜ್ಯದ ಎರಡನೇ ಅಧಿಕೃತ ರಾಜ್ಯ ಭಾಷೆಯಾಗಬೇಕೆಂಬುದು. ತುಳು ಭಾಷೆಯು ಲಕ್ಷ ಅರ್ಹತೆಗಳನ್ನು ಹೊಂದಿತ್ತು ಮತ್ತು ತುಳುವರ ಲಕ್ಷ ವಿವಿಧ ರೀತಿಯ ಹೋರಾಟಗಳ ಫಲಶೃತಿಯೆ ತುಳು ಕರ್ನಾಟಕ ರಾಜ್ಯದ ಎರಡನೇ ಅಧಿಕೃತ ಭಾಷೆಯ ಸ್ಥಾನಮಾನ ಎಂದು ತುಳುನಾಡ್ ಒಕ್ಕೂಟ ಸಂಸ್ಥಾಪಕರು ಶೈಲೇಶ್ ಆರ್. ಜೆ. ಸಂತಸ ವ್ಯಕ್ತಪಡಿಸಿದ್ದಾರೆ.
ಕರ್ನಾಟಕ ರಾಜ್ಯದ ಮುಖ್ಯಮಂತ್ರಿಗಳಾದ ಡಿ. ಕೆ. ಶಿವಕುಮಾರ್ ಅವರು ಮಂಗಳೂರಲ್ಲಿ ಸಚಿವ ಸಂಪುಟ ಸಭೆ ನಡೆಸಿ ಈ ಐತಿಹಾಸಿಕ ನಿರ್ಧಾರ ಕೈಗೊಂಡಿದ್ದು ಈ ಮೂಲಕ ಸಮಸ್ತ ತುಳುವರ ಹೃದಯದ ಅಭಿಮಾನಕ್ಕೆ ಪಾತ್ರರಾಗಿದ್ದಾರೆ.
ತುಳು ಭಾಷೆಗೆ ಕರ್ನಾಟಕ ರಾಜ್ಯದ ಎರಡನೇ ಅಧಿಕೃತ ರಾಜ್ಯ ಭಾಷೆಯ ಸ್ಥಾನಮಾನಕ್ಕಾಗಿ ಸರಕಾರಿ ಮಟ್ಟದಲ್ಲಿ ವಿಶೇಷ ಪ್ರಯತ್ನ ಪಟ್ಟ ಸಚಿವರಾದ ಯು. ಟಿ. ಖಾದರ್ ಮತ್ತು ಪುತ್ತೂರಿನ ಶಾಸಕ ಆಶೋಕ್ ಕುಮಾರ್ ರೈಯವರಿಗೆ ಮತ್ತು ಎಲ್ಲಾ ಸಚಿವರಿಗೆ, ಶಾಸಕರಿಗೆ ಸಮಸ್ತ ತುಳುವರ ಪರವಾಗಿ ಹೃದಯಪೂರ್ವಕ ಧನ್ಯವಾದಗಳು.
ಮುಂದಿನ ಅಧಿವೇಶನದಲ್ಲಿ ತುಳು ಅಧಿಕೃತ ಭಾಷೆಯ ಮಸೂದೆಯನ್ನು ಮಂಡಿಸಿದಾಗ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯ ಜೊತೆಗೆ ಈ ಜಿಲ್ಲೆಗಳಿಗೆ ಹೊಂದಿಕೊಂಡಿರುವ ಘಟ್ಟ ಪ್ರದೇಶದ ತಾಲ್ಲೂಕುಗಳನ್ನು ಸೇರಿಸುವಂತೆ ತುಳುನಾಡಿನ ಶಾಸಕರು ಒತ್ತಾಯಿಸಬೇಕು. ಏಕೆಂದರೆ ಘಟ್ಟ ಪ್ರದೇಶದ ಈ ತಾಲೂಕುಗಳಲ್ಲಿ ಬಹುಸಂಖ್ಯಾತ ತುಳುವರು ಅನಾದಿ ಕಾಲದಿಂದಲೂ ವಾಸಿಸುತ್ತಿದ್ದು, ಈ ಭಾಗಗಳ ತುಳುವರಿಗೂ ಅನುಕೂಲವಾಗುವಂತೆ ಈ ತಾಲೂಕುಗಳನ್ನು ತುಳು ಎರಡನೇ ಅಧಿಕೃತ ಭಾಷೆಯ ಮಸೂದೆಯಲ್ಲಿ ಸೇರ್ಪಡೆಗೊಳಿಸಬೇಕು ಈ ಮೂಲಕ ವಿನಂತಿಸುತ್ತಿದ್ದೇವೆ.
