ಬೆಳ್ತಂಗಡಿ ಶ್ರೀ ರತ್ನತ್ರಯ ಜೈನ ತೀರ್ಥ ಕ್ಷೇತ್ರದಲ್ಲಿ ಅನಂತನೊಂಪಿ ವಿಶೇಷ ಪೂಜೆಯು ಸೆ.24 ,25 ,26ರಂದು ನಡೆಯಲಿದೆ.
ಇಂದು(ಸೆ.24) ಈ ಪೂಜಾ ಆರಂಭಗೊಂಡಿದ್ದು ಪೂಜೆಯಲ್ಲಿ 18 ಮಂದಿ ವ್ರತಧಾರಿಗಳು ಭಾಗವಿಸಿದ್ದು ಸೆ.26 ರಂದು ಈ ಪೂಜೆಯು ಪೂರ್ಣಗೊಳ್ಳಲಿದೆ. ಅನಂತ ನೋಂಪಿಯು14 ವರುಷ ಪೂರ್ಣಗೊಂಡ ಬಳಿಕ 15ನೇ ವರುಷದದಲ್ಲಿ ಉದ್ಯಾಪನೆ ನಡೆಯಲಿದೆ. ಈ ಪೂಜೆಯು ಬಹಳ ವಿಶಿಷ್ಟತೆಯನ್ನು ಹೊಂದಿದ್ದು ವಿಶ್ವಶಾಂತಿ ಮತ್ತು ಬದುಕಿನ ನೆಮ್ಮದಿಗಾಗಿ ನಡೆಸಲಾಗುತ್ತದೆ ಎಂದು ಹೇಳಲಾಗುತ್ತದೆ.
ಈ ವಿಧಿ ವಿಧಾನವನ್ನು ಬೆಳ್ತಂಗಡಿ ಬಸದಿಯ ಪ್ರಧಾನ ಅರ್ಚಕ ಜಯರಾಜ್ ಇಂದ್ರ ಇವರ ನೇತೃತ್ವದಲ್ಲಿ ನಡೆಸಲಾಗುತ್ತಿದೆ.
ಈ ವಿಶೇಷ ಪೂಜೆಗೆ ಅವಕಾಶ ಮತ್ತು ಮಾರ್ಗದರ್ಶನವನ್ನು ಬಸದಿಯ ಆನುವಂಶಿಕ ಆಡಳಿತ ಮೊಕ್ತೇಸರರಾದ ಕೆ. ಜಯವರ್ಮರಾಜ ಬಳ್ಳಾಲ್ ರವರು ಮಾಡಿ ಕೊಟ್ಟಿರುತ್ತಾರೆ.
