ಬೆಳ್ತಂಗಡಿ: ಹಾಸನದ ಜಗತ್ಪ್ರಸಿದ್ಧ ಶ್ರೀ ಹಾಸನಾಂಬ ದೇವಾಲಯದ ಮಹೋತ್ಸವದ ಸಂದರ್ಭದಲ್ಲಿ, ನ.2ರಿಂದ ನ.7ರವರೆಗೆ ಅಚ್ಚುಕಟ್ಟು ಹಾಗೂ ಶಿಸ್ತಿನಿಂದ ವಿವಿಧ ವಿಭಾಗಗಳಲ್ಲಿ ಸ್ಮರಣೀಯ ಸೇವೆ ಸಲ್ಲಿಸಿದ ಉಜಿರೆಯ ಎಸ್‌ಡಿಎಂ ಪದವಿಪೂರ್ವ ಕಾಲೇಜಿನ ರೋವರ್ಸ್ ದಳದ ವಿದ್ಯಾರ್ಥಿಗಳ ಕಾರ್ಯಕ್ಕೆ ವ್ಯಾಪಕ ಶ್ಲಾಘನೆ ವ್ಯಕ್ತವಾಗಿದೆ.
ದೇವಾಲಯಕ್ಕೆ ಆಗಮಿಸಿದ ಲಕ್ಷಾಂತರ ಭಕ್ತಾದಿಗಳಿಗೆ ಯಾವುದೇ ತೊಂದರೆಯಾಗದಂತೆ ಭದ್ರತೆ, ಸರದಿ ಸಾಲು ನಿರ್ವಹಣೆ ಹಾಗೂ ಮಾರ್ಗದರ್ಶನ ನೀಡುವಲ್ಲಿ ಯುವ ರೋವರ್ಸ್ ಸಿಬ್ಬಂದಿ ಅತ್ಯಂತ ದಕ್ಷತೆಯಿಂದ ಕಾರ್ಯನಿರ್ವಹಿಸಿ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಸೇವೆ ಸಲ್ಲಿಸಿದ ಉದಯೋನ್ಮುಖ ರೋವರ್ಸ್ ವಿದ್ಯಾರ್ಥಿಗಳು:
ರೋವರ್ ಫಿರೋಜ್ ಖಾನ್, ಮಣಿಕಂಠ ಕೆ., ಸರ್ವೇಶ್ ಜೈನ್, ವಿಘ್ನೇಶ ಬಿ. ಹೆಗಡೆ, ಮಾಲತೇಶ ಜಿ., ತರುಣ್ ಪಿ. ಜೈನ್, ತರುಣ್ ಕೆ. ಎನ್., ಜಿತೇಶ್, ಗೌತಮ್ ಎನ್. ಜೆ., ಪದ್ಮಪ್ರಸಾದ್ ಹಾಗೂ ಆದಿತ್ಯ.
ಆಡಳಿತ ಮಂಡಳಿ ಹಾಗೂ ಪ್ರಾಂಶುಪಾಲರ ಅಭಿನಂದನೆ:
ಹಾಸನಾಂಬ ದೇವಿ ಮಹೋತ್ಸವದಂತಹ ಬೃಹತ್ ಧಾರ್ಮಿಕ ಕಾರ್ಯಕ್ರಮದಲ್ಲಿ ಕಾಲೇಜನ್ನು ಪ್ರತಿನಿಧಿಸಿ, ಸಾಮಾಜಿಕ ಹೊಣೆಗಾರಿಕೆ ಹಾಗೂ ಶಿಸ್ತಿನಿಂದ ಅಪಾರ ಸೇವೆ ಸಲ್ಲಿಸಿದ ರೋವರ್ಸ್ ದಳದ ಎಲ್ಲಾ ವಿದ್ಯಾರ್ಥಿಗಳನ್ನು ಎಸ್‌ಡಿಎಂ ಶಿಕ್ಷಣ ಸಂಸ್ಥೆಗಳ ಆಡಳಿತ ಮಂಡಳಿ, ಕಾಲೇಜಿನ ಪ್ರಾಂಶುಪಾಲರು, ರೋವರ್ಸ್ ದಳದ ನಾಯಕರು ಹಾಗೂ ಉಪಾಧ್ಯಾಯ ವೃಂದದವರು ಮುಕ್ತಕಂಠದಿಂದ ಅಭಿನಂದಿಸಿ, ಅವರ ಭವಿಷ್ಯಕ್ಕೆ ಶುಭ ಹಾರೈಸಿದ್ದಾರೆ.
ವಿದ್ಯಾರ್ಥಿಗಳ ಈ ಸಮಾಜಮುಖಿ ಸೇವಾ ಮನೋಭಾವನೆಯು ಕಾಲೇಜಿನ ಘನತೆಗೆ ಮತ್ತು ಕಾಲೇಜಿನ ಸಮಾಜಮುಖಿ ಚಿಂತನೆಗೆ ಹಿಡಿದ ಕೈಗನ್ನಡಿ ಎಂದು ಪ್ರಾಚಾರ್ಯ ಪ್ರಮೋದ್ ಕುಮಾರ್ ಬಿ ಸಂತಸ ವ್ಯಕ್ತಪಡಿಸಿದ್ದಾರೆ.
