ಬೆಳ್ತಂಗಡಿ : ಶ್ರೀ ಕ್ಷೇತ್ರ ಗೆಜ್ಜೇಗಿರಿಗೆ ಪಡುಬಿದ್ರೆಯ ಪ್ರಖ್ಯಾತ ಆಯುರ್ವೇದಿಕ್ ವೈದ್ಯರಾದ ಡಾಕ್ಟರ್ ನಾರಾಯಣ ಟಿ ಅಂಚನ್ ರವರು ಭೇಟಿಕೊಟ್ಟು ಅಲ್ಲಿ ನಡೆಯುವ ದೇಯಿ ಬೈದೆದಿ ಆಯುರ್ವೇದಿಕ್ ಕೇಂದ್ರದ ಕಾಮಗಾರಿಯನ್ನು ಪರಿಶೀಲಿಸಿ ಸಂತಸವನ್ನು ವ್ಯಕ್ತಪಡಿಸಿದರು.
ಅಭಿವೃದ್ಧಿ ಸಮಿತಿಯ ಅಧ್ಯಕ್ಷರಾದ ಶ್ರೀ ಸಂಜೀವ ಪೂಜಾರಿ ಬಿರುವ ರವರು ಮಾಹಿತಿಯನ್ನು ನೀಡುತ್ತಾ,ಧನ್ವಂತರಿ ಮಾತೆಯ ಶಕ್ತಿ ಇರುವ ದೇಯಿ ಬೈದಿತಿ ಹೆಸರಿನಲ್ಲಿ ಆಯುರ್ವೇದಿಕ್ ಆಸ್ಪತ್ರೆಯನ್ನು ಮುಂದಿನ ದಿನಗಳಲ್ಲಿ ಗೆಜ್ಜೆ ಗಿರಿಯ ಅಭಿವೃದ್ಧಿ ಸಮಿತಿಯ ವತಿಯಿಂದ ನಡೆಸಲು ಪ್ರಯತ್ನಿಸುವುದಾಗಿ ಅವರು ತಿಳಿಸಿದರು.
ಕ್ಷೇತ್ರದ ವತಿಯಿಂದ ಎನ್ ಟಿ ಅಂಚನ್ ಮತ್ತು ಪರಿಣತರಾದ ಮೋನಪ್ಪ ಪೂಜಾರಿಯವರನ್ನು ಪ್ರಸಾದ ನೀಡಿ ಶಾಲು ಹೊದಿಸಿ ಗೌರವಿಸಲಾಯಿತು. ಗೌರವಾಧ್ಯಕ್ಷರಾದ ಪೀತಾಂಬರ ಹೆರಾಜೆ, ಅಧ್ಯಕ್ಷ ರವಿ ಪೂಜಾರಿ ಚಿಲುಂಬಿ, ಕಾರ್ಯದರ್ಶಿ ಉಲ್ಲಾಸ್ ಕೋಟ್ಯಾನ್, ರಾಜಾರಾಮ್ ಕೆಬಿ, ವಾಸ್ತು ವಿನ್ಯಾಸ ಗಾರ ಪ್ರಮಲ್ ಕುಮಾರ್, ನಾರಾಯಣ ಮಚ್ಚಿನ ರತ್ನಾಕರ ಪೂಜಾರಿ, ಮುಂತಾದವರು ಜೊತೆಗಿದ್ದರು.
