ಬೆಳ್ತಂಗಡಿ: ಧೀಮಂತ ರಾಜಕಾರಣಿ ವಸಂತ ಬಂಗೇರರ ಅಗಲಿಕೆ ಶೋಷಿತ ಸಮಾಜಕ್ಕೆ ತುಂಬಲಾಗದ ನಷ್ಟವನ್ನುಂಟು ಮಾಡಿದೆ. ಅವರ ದಿಟ್ಟ ಮತ್ತು ಧೀಮಂತ ರಾಜಕಾರಣ ಯುವ ಪೀಳಿಗೆಗೆ ಆದರ್ಶಪ್ರಾಯವಾಗಿದೆ. ಸಂಜೀವ ಕುಲ್ಲಾಜೆ ಯವರು ಮಲೆಕುಡಿಯ ಸಂಘದ ಅಧ್ಯಕ್ಷರಾಗಿದ್ದ ಅವಧಿಯಲ್ಲಿ ಬಂಗೇರರ ಸಹಕಾರದಿಂದ ಕೊಯ್ಯೂರಿನಲ್ಲಿ ಮಲೆಕುಡಿಯ ಸಮುದಾಯ ಭವನ ನಿರ್ಮಿಸಲು ಸಾಧ್ಯವಾಯಿತು. ಅವರ ಆತ್ಮಕ್ಕೆ ಶಾಂತಿಯನ್ನು ಕೋರುತ್ತಾ ಕುಟುಂಬಸ್ಥರಿಗೆ, ಬಂಧು ಬಳಗಕ್ಕೆ, ಹಿತೈಷಿಗಳಿಗೆ ದುಃಖವನ್ನು ಸಹಿಸುವ ಶಕ್ತಿಯನ್ನು ಆ ಪರಮಾತ್ಮ ಕರುಣಿಸಲಿ ಎಂದು ಪ್ರಾರ್ಥಿಸುತ್ತೇವೆ ಎಂದು ಜಿಲ್ಲಾ ಮಲೆಕುಡಿಯ ಸಂಘದ ಅಧ್ಯಕ್ಷ ಹರೀಶ್ ಎಳನೀರ್ ಸಂತಾಪ ಸೂಚಿಸಿದರು.
