ಮಂಗಳೂರು: ಕರಾವಳಿ ಕರ್ನಾಟಕ ಹಾಗೂ ಕೊಡಗು ಜಿಲ್ಲೆಯ ಗ್ರಾಹಕರಿಗೆ ನಿರಂತರ ಸೇವೆ ಸಲ್ಲಿಸುತ್ತಿರುವ ಎ.ಆರ್.ಎಂ ಕಿಯಾ, ತನ್ನ ಆರು ವರ್ಷದ ಯಶಸ್ವಿ ಪಯಣವನ್ನು ಪೂರ್ಣಗೊಳಿಸಿ ಮಹತ್ವದ ಮೈಲುಗಲ್ಲನ್ನು ಸಾಧಿಸಿದೆ. ಉಡುಪಿ, ಕುಶಾಲನಗರ (ಕೂರ್ಗ್), ಪುತ್ತೂರು ಹಾಗೂ ಮಂಗಳೂರು ನಗರಗಳಲ್ಲಿ ಶಾಖೆಗಳೊಂದಿಗೆ, ಈ ಡೀಲರ್‌ಶಿಪ್ ಪ್ರದೇಶದ ವಿಶ್ವಾಸಾರ್ಹ ವಾಹನ ಸಂಸ್ಥೆಗಳಲ್ಲೊಂದಾಗಿ ಬೆಳೆಯುತ್ತಿದೆ.
ಈ ಸಂಭ್ರಮದ ಅಂಗವಾಗಿ, ಮಂಗಳೂರಿನ ಕದ್ರಿ ಶೋರೂಮ್‌ನಲ್ಲಿ ಎ.ಆರ್.ಎಂ ಕಿಯಾ ತನ್ನ 9,000ನೇ ಕಾರನ್ನು ಮಂಗಳೂರು ತಾಲೂಕಿನ ಖ್ಯಾತ ಚಾರ್ಟರ್ಡ್ ಅಕೌಂಟೆಂಟ್ ಶ್ರೀನಿವಾಸ್ ಕಾಮತ್ ಅವರಿಗೆ ವಿತರಿಸಿದೆ. ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕರಾದ ಅರೂರ್ ಗಣೇಶ್ ರಾವ್ ಅವರು ಕಾರಿನ ಕೀಲಿಯನ್ನು ಹಸ್ತಾಂತರಿಸಿದರು. ನಿರ್ದೇಶಕರಾದ ಅರೂರ್ ವರುಣ್ ರಾವ್ ಹಾಗೂ ಅರೂರ್ ವಿಕ್ರಂ ರಾವ್ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಹಿರಿಯ ಉಪಾಧ್ಯಕ್ಷ ಪ್ರದೀಪ್ ಪೈ, ಎಜಿಎಂ ಕನಕ್ ಕುಮಾರ್, ಮಾರಾಟ ವಿಭಾಗದ ಎಜಿಎಂ ಹರೀಶ್ ರಾವ್ ಹಾಗೂ ಸೇಲ್ಸ್ ಮ್ಯಾನೇಜರ್ ಜಯಪ್ರಕಾಶ್ ಭಾಗವಹಿಸಿದ್ದರು.
ಕಳೆದ ಆರು ವರ್ಷಗಳಲ್ಲಿ, ಎ.ಆರ್.ಎಂ ಕಿಯಾ ಅತ್ಯುತ್ತಮ ಗ್ರಾಹಕ ಸೇವೆಗಾಗಿ ಕಿಯಾ ಇಂಡಿಯಾದಿಂದ ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದು, ಗ್ರಾಹಕ ತೃಪ್ತಿಯಲ್ಲಿ ಪ್ರಮುಖ ಸ್ಥಾನವನ್ನು ಪಡೆದಿದೆ. ಈ ಸಾಧನೆ ಸಂಸ್ಥೆಯ ಗುಣಮಟ್ಟದ ಸೇವೆ ಹಾಗೂ ಗ್ರಾಹಕರೊಂದಿಗೆ ಹೊಂದಿರುವ ಬಲವಾದ ನಂಟಿನ ಪ್ರತಿಬಿಂಬವಾಗಿದೆ.
ಡೀಲರ್‌ಶಿಪ್ ಶೀಘ್ರದಲ್ಲೇ 10,000 ಕಾರುಗಳ ಮೈಲುಗಲ್ಲನ್ನು ತಲುಪುವ ವಿಶ್ವಾಸ ವ್ಯಕ್ತಪಡಿಸಿದ್ದು, ಮುಂದಿನ ದಿನಗಳಲ್ಲಿ ಇನ್ನಷ್ಟು ಸಾಧನೆಗಳತ್ತ ಪಯಣ ಮುಂದುವರಿಸಲು ಸಜ್ಜಾಗಿದೆ.
