ಚಾರ್ಮಾಡಿ: ಬೆಳ್ತಂಗಡಿ ತಾಲೂಕಿನ ಕಕ್ಕಿಂಜೆಯ ಸೀತಾ ಕಾಂಪ್ಲೆಕ್ಸ್ನಲ್ಲಿ ಮಕ್ಕಳ ಸುರಕ್ಷತೆ ಮತ್ತು ಉತ್ತಮ ಪೋಷಣೆಯ ವಾತಾವರಣವನ್ನು ಒದಗಿಸಲಿರುವ ಬ್ರಿಲಿಯಂಟ್ ಕಿಡ್ಸ್ ವರ್ಲ್ಡ್ ಜೂ.28ರಂದು ಶುಭಾರಂಭಗೊಳ್ಳಲಿದೆ ಎಂದು ಸಂಸ್ಥೆಯ ಮುಖ್ಯಸ್ಥೆ ವಿದ್ಯಾರಂಜಿತ್ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಉದ್ಘಾಟನೆಯನ್ನು ಗುರುವಾಯನಕೆರೆ ಎಕ್ಸೆಲ್ ಸಮೂಹ ಸಂಸ್ಥೆಗಳ ಅಧ್ಯಕ್ಷ ಸುಮಂತ್ ಕುಮಾರ್ ಜೈನ್ ಅವರು ನೆರವೇರಿಸಲಿರುವರು. ಮುಖ್ಯ ಅತಿಥಿಗಳಾಗಿ ಚಾರ್ಮಾಡಿ ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಪುರುಷೋತ್ತಮ ಜಿ., ತಾಲೂಕು ಪಂಚಾಯತ್ ಮಾಜಿ ಸದಸ್ಯ ಕೊರಗಪ್ಪ ಗೌಡ ಅರಣೆಪಾದೆ, ಚಾರ್ಮಾಡಿ ಗ್ರಾಮ ಪಂಚಾಯತ್ ಮಾಜಿ ಸದಸ್ಯ ರಹೀಂ, ಸೀತಾ ಕಾಂಪ್ಲೆಕ್ಸ್ನ ಮಾಲಕ ಲೋಕಯ್ಯ ಗೌಡ ಭಾಗವಹಿಸಲಿರುವರು.
ಬ್ರಿಲಿಯಂಟ್ ಕಿಡ್ಸ್ ವರ್ಲ್ಡ್ನ ವಿಶೇಷತೆಗಳು:
- 1 ವರ್ಷ ಮೇಲ್ಪಟ್ಟ ಕಂದಮ್ಮಗಳನ್ನು ಸಮಯ ಬೆಳಿಗ್ಗೆ 8ರಿಂದ ಸಂಜೆ 6ಗಂಟೆಯ ತನಕ ಆಟ-ಪಾಠಗಳೊಂದಿಗೆ ನೋಡಿಕೊಳ್ಳಲಾಗುವುದು.
- ಎಲ್.ಕೆ.ಜಿ.ಯಿಂದ 10ನೇ ತರಗತಿವರೆಗೆ ಹಾಗೂ ಪಿಯುಸಿ ಕಾಮರ್ಸ್ಗೆ ಟ್ಯೂಷನ್ ಅನ್ನು ಕೊಡಲಾಗುವುದು.
- 10ನೇ ತರಗತಿಗೆ ಪ್ರತ್ಯೇಕ ವಿಕೇಂಡ್ ಬ್ಯಾಚ್ಗಳನ್ನು ನಡೆಸಲಾಗುವುದು.
ಮುದ್ದು ಕಂದಮ್ಮಗಳ ಆರೈಕೆ ನಮ್ಮ ಜವಾಬ್ದಾರಿ:
ನಮ್ಮ ಸಂಸ್ಥೆಯು ಎಲ್.ಕೆ.ಜಿ.-10ನೇ ತರಗತಿ ಹಾಗೂ ಪಿಯುಸಿ ಕಾಮರ್ಸ್ ವಿಭಾಗಕ್ಕೆ ಟ್ಯೂಷನ್ ಅನ್ನು ನಡೆಸುತ್ತಾ ಬರುತ್ತಿದ್ದು, ಯಶಸ್ವಿ ಒಂದು ವರ್ಷವನ್ನು ಪೂರೈಸಿದೆ. ಪ್ರಸ್ತುತ ವರ್ಷದಲ್ಲಿ ವೃತ್ತಿ ಬದುಕಿನಲ್ಲಿ ಕಾರ್ಯನಿರತರಾಗಿರುವ ಎಳೆಯ ಮಕ್ಕಳ ಪೋಷಕರಿಗೆ ರಿಲೀಫ್ ನೀಡಲು, ಮುದ್ದು ಕಂದಮ್ಮಗಳನ್ನು ಆರೈಕೆ ಮಾಡುವ ಹೊಣೆಗಾರಿಕೆಯನ್ನು ಹೊರುವ “ಬ್ರಿಲಿಯಂಟ್ ಕಿಡ್ಸ್ ವರ್ಲ್ಡ್” ಎಂಬ ಹೊಸ ಯೋಜನೆಯನ್ನು ಪ್ರಾರಂಭಿಸುತ್ತಿದ್ದೇವೆ. ಕಳೆದೊಂದು ವರ್ಷಗಳಿಂದ ನೀಡಿದ ಪ್ರೀತಿ, ಪ್ರೋತ್ಸಾಹ ಬ್ರಿಲಿಯಂಟ್ ಕಿಡ್ಸ್ ವರ್ಲ್ಡ್ ಮೇಲು ಇರಲಿ ಎಂದು ಕೋರುತ್ತೇನೆ.
-ವಿದ್ಯಾ ರಂಜಿತ್, ಮುಖ್ಯಸ್ಥರು, ಬ್ರಿಲಿಯಂಟ್ ಕಿಡ್ಸ್ ವರ್ಲ್ಡ್
