ಕಕ್ಯಪದವು : ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಶಾಲಾ ಶಿಕ್ಷಣ ಇಲಾಖೆ ಕ್ಷೇತ್ರ ಶಿಕ್ಷಣಾಧಿಕಾರಿಯವರ ಕಛೇರಿ ಬಂಟ್ವಾಳ ರಾಯಿ ಕ್ಲಸ್ಟರ್ ನೇತೃತ್ವದೊಂದಿಗೆ ವಾಮದಪದವು ವಲಯದ ಕ್ರೀಡಾ ಕೂಟವು ಸೆ. 21 ರಂದು ಎಸ್.ವಿ. ಎಸ್ ದೇವಳ ಆಂಗ್ಲಮಾಧ್ಯಮ ಶಾಲಾ ಕ್ರೀಡಾಂಗಣ ಬಂಟ್ವಾಳದಲ್ಲಿ ನಡೆಯಿತು.
ಈ ಕ್ರೀಡಾ ಕೂಟದಲ್ಲಿ ಎಲ್ ಸಿ .ಆರ್ ಇಂಡಿಯನ್ ವಿದ್ಯಾಸಂಸ್ಥೆಯ ಪ್ರೌಢವಿಭಾಗದ ಒಟ್ಟು 14 ವಿದ್ಯಾರ್ಥಿಗಳು ಭಾಗವಹಿಸಿದರು. ಎಲ್ಲಾ ವಿದ್ಯಾರ್ಥಿಗಳು ಕ್ರೀಡಾ ಸ್ಫೂರ್ತಿಯಿಂದ ಈ ಕ್ರೀಡಾಕೂಟದಲ್ಲಿ ಪಾಲ್ಗೊಂಡು ಬಾಲಕ ಬಾಲಕಿಯರ 17ರ ವಯೋಮಾನದ (ಜಾವೆಲಿನ್ ) ಈಟಿ ಎಸೆತದ ಸ್ಪರ್ಧೆಯಲ್ಲಿ ಧನ್ವಿತಾ 9ನೇ ತರಗತಿ ಪ್ರಥಮ ಸ್ಥಾನ, ಜಿರಾಗ್ ಕೆ ಎಸ್ 10ನೇ ತರಗತಿ ಪ್ರಥಮ ಸ್ಥಾನ , ಆದ್ಯ ಜಿ ಕೆ 9ನೇ ತರಗತಿ ತೃತೀಯ ಸ್ಥಾನ, ರಾಹೀದ್ 9ನೇ ತರಗತಿ ತೃತೀಯ ಸ್ಥಾನ ಹಾಗೂ ಗುಂಡು ಎಸೆತ ಸ್ಪರ್ಧೆಯಲ್ಲಿ ಅಪರ್ಣ ಶೆಟ್ಟಿ 8 ನೇ ತರಗತಿ ದ್ವಿತೀಯ ಸ್ಥಾನ, ರಾಹೀದ್ 9ನೇ ತರಗತಿ ತೃತೀಯ ಸ್ಥಾನ ಹಾಗೂ ಹರ್ಡಲ್ಸ್ ಓಟದಲ್ಲಿ ಶ್ರಾವಿತ್ 10ನೇ ತರಗತಿ ದ್ವಿತೀಯ ಸ್ಥಾನ ವನ್ನು ಪಡೆದಿರುತ್ತಾರೆ. ಹಾಗೂ 800 ಮೀಟರ್ ಓಟದ ಸ್ಪರ್ಧೆಯಲ್ಲಿ ಅಧೀಶ್ ಎಸ್ ಪಿ 9 ನೇ ತರಗತಿ ದ್ವಿತೀಯ ಸ್ಥಾನ , 1500 ಮೀಟರ್ ಓಟದ ಸ್ಪರ್ದೆಯಲ್ಲಿ ಭವಿಷ್ 9ನೇ ತರಗತಿ ತೃತೀಯ ಸ್ಥಾನ ಪಡೆದು ಸಂಸ್ಥೆಗೆ ಕೀರ್ತಿ ತಂದಿರುತ್ತಾರೆ. ಪ್ರಶಸ್ತಿ ವಿಜೇತ ಎಲ್ಲಾ ಕ್ರೀಡಾ ಪಟುಗಳು ಮುಂದೆ ನಡೆಯುವ ತಾಲ್ಲೂಕು ಮಟ್ಟದ ಕ್ರೀಡಾಕೂಟದಲ್ಲಿ ಭಾಗವಹಿಸಲಿದ್ದಾರೆ.
ಸಂಸ್ಥೆಯ ದೈಹಿಕ ಶಿಕ್ಷಣ ಶಿಕ್ಷಕಿಯರಾದ ಹರಿಣಾಕ್ಷಿ ಜಿ.ಕೆ ಮತ್ತು ಪ್ರಥ್ವಿರಾಜ್ ಇವರು ವಿದ್ಯಾರ್ಥಿಗಳಿಗೆ ತರಬೇತಿಯನ್ನು ನೀಡಿರುತ್ತಾರೆ.
