ಬೆಳ್ತಂಗಡಿ: ಇತ್ತೀಚೆಗೆ ಡಾ. ಪ್ರದೀಪ್ ಎ. ನಾವೂರು ಅವರ ಕ್ಲಿನಿಕ್‌ಗೆ ಅನಾಮಿಕರು ಬೆಂಕಿ ಹಚ್ಚಿರುವ ಆಘಾತಕಾರಿ ಘಟನೆಯನ್ನು ಖಂಡಿಸಿ, ರೋಟರಿ ಕ್ಲಬ್ ವತಿಯಿಂದ ಬೆಳ್ತಂಗಡಿ ಮಿನಿ ವಿಧಾನಸೌಧದಲ್ಲಿ ತಹಶೀಲ್ದಾರರು ಹಾಗೂ ಉಪ ಪೊಲೀಸ್ ಅಧೀಕ್ಷಕರಿಗೆ (DySP) ಖಂಡನಾ ಮನವಿ ಪತ್ರವನ್ನು ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ವೈದ್ಯರ ಸುರಕ್ಷತೆಯನ್ನು ಖಚಿತಪಡಿಸುವಂತೆ ಹಾಗೂ ಕೃತ್ಯ ಎಸಗಿದವರನ್ನು ಪತ್ತೆಹಚ್ಚಿ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಲಾಯಿತು.
ವೈದ್ಯ ಸಮುದಾಯದೊಂದಿಗೆ ಒಗ್ಗಟ್ಟಿನಿಂದ ನಿಂತು, ಈ ಘಟನೆಯನ್ನು ತೀವ್ರವಾಗಿ ಖಂಡಿಸಲಾಯಿತು. ಈ ಸಂಧರ್ಭದಲ್ಲಿ ರೋಟರಿ ಕ್ಲಬ್ ಅಧ್ಯಕ್ಷ ಶ್ರೀಧರ ಕೆ.ವಿ, ಕಾರ್ಯದರ್ಶಿ ಡಾ ರಾಘವೇಂದ್ರ ಪಿದಮಲೆ, ಅಸಿಸ್ಟೆಂಟ್ ಗವರ್ನರ್ ಡಾ ಶಶಿಧರ ಡೋಂಗ್ರೆ, ರೊ. ಯಶವಂತ ಪಟವರ್ಧನ್, ಡಾ ಎ ಜಯಕುಮಾರ ಶೆಟ್ಟಿ, ಶ್ರೀನಾಥ ಕೆ.ಎಂ, ರೋನಾಲ್ಡ್ ಲೋಬೋ, ಶ್ರೀಕೃಷ್ಣ ಭಟ್ , ಶ್ರವಣ್ ಕಾಂತಾಜೆ, ಡಾ.ರಂಜನ್, ಡಾ ಗೋವಿಂದ ಕಿಶೋರ್, ವೈಕುಂಠ ಪ್ರಭು, ಡಾ.ಪ್ರಕಾಶ ಪ್ರಭು, ಜಯರಾಮ್, ಗೋಪಾಲಕೃಷ್ಣ ಗುಲ್ಲೋಡಿ ಮತ್ತಿತರರು ಉಪಸ್ಥಿತರಿದ್ದರು.
