ಬೆಳ್ತಂಗಡಿ: ರೋಟರಿ ಕ್ಲಬ್ ಬೆಳ್ತಂಗಡಿ, ರೋಟರಿ ಸಮುದಾಯ ದಳ ಮುಂಡಾಜೆ, ಹಾಲು ಉತ್ಪಾದಕರ ಸಹಕಾರಿ ಸಂಘ ಕಡಿರುದ್ಯಾವರ, ಗ್ರಾಮ ಪಂಚಾಯತ್ ಕಡಿರುದ್ಯಾವರ, ಆಟೋ ಚಾಲಕ ಮಾಲಕರ ಸಂಘ ಕಡಿರುದ್ಯಾವರ, ವಿದ್ಯಾ ಸರಸ್ವತಿ ಮಹಿಳಾ ಮಂಡಳಿ ಕಡಿರುದ್ಯಾವರ, ಬೆನಕಾ ಆಸ್ಪತ್ರೆ ಉಜಿರೆ ಹಾಗೂ ಸರಕಾರಿ ಆಸ್ಪತ್ರೆ ಬೆಳ್ತಂಗಡಿ ಜಂಟಿ ಆಶ್ರಯದಲ್ಲಿ ಉಚಿತ ಕಣ್ಣಿನ ತಪಾಸಣೆ ಮತ್ತು ಸಾಮಾನ್ಯ ಆರೋಗ್ಯ ತಪಾಸಣಾ ಶಿಬಿರ ಹೇಡ್ಯದಲ್ಲಿ ಜರುಗಿತು. ಈ ಶಿಬಿರದಲ್ಲಿ 84 ಮಂದಿ ಕಣ್ಣು ಪರೀಕ್ಷೆ ಮತ್ತು 85ಮಂದಿ ಸಾಮಾನ್ಯ ಆರೋಗ್ಯ ತಪಾಸಣೆ ಮಾಡಿಸಿಕೊಂಡರು.
ಶಿಬಿರದ ಉದ್ಘಾಟನೆ ರೊ.ಯಂ.ವಿ.ಭಟ್ ನೆರವೇರಿಸಿ ಶುಭ ಹಾರೈಸಿದರು. ಸಭಾಧ್ಯಕ್ಷತೆಯನ್ನು ರಂಗನಾಥ ಹೆಬ್ಬಾರ್ ಅಧ್ಯಕ್ಷ ರೋಟರಿ ಸಮುದಾಯ ದಳ ಮುಂಡಾಜೆ ವಹಿಸಿದ್ದರು. ಯಸ್.ಜಿ.ಭಟ್ PRO ಬೆನಕಾ ಆಸ್ಪತ್ರೆ ಉಜಿರೆ, ಡಾ.ರಮೇಶ್ ವೈದ್ಯಾಧಿಕಾರಿ ಬೆಳ್ತಂಗಡಿ, ಲೋಕೇಶ್ವರಿ ವಿನಯಚಂದ್ರ, ಮಾಜಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ರತ್ನಾವತಿ, ಸತೀಶ್ ಹೇಡ್ಯ ಉಪಸ್ಥಿತರಿದ್ದು ಶುಭಹಾರೈಸಿದರು. ರೊ.ವೆಂಕಟೇಶ್ವರ ಭಟ್ ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು. ರೊ. ಅನಂತ ಭಟ್ ಮಚ್ಚಿಮಲೆ, ರೊ. ವಿದ್ಯಾ ಕುಮಾರ್ ಕಾಂಚೋಡು, ರೊ. ಕಿರಣ್ ಹೆಬ್ಬಾರ್ ಸಹಕರಿಸಿದರು. ವಿಘ್ನೇಶ್ ಪ್ರಭು ವಂದಿಸಿದರು.














