ನಾಳ: ಟೆಕ್ಸಾಸ್ ಇನ್ಸ್ಟ್ರು ಮೆಂಟ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಇದರ ವತಿಯಿಂದ ಶಾಲಾ ಮಕ್ಕಳಿಗೆ ಕಲಿಕಾ ಸಾಮಾಗ್ರಿಗಳನ್ನು ವಿತರಿಸಲಾಯಿತು. ಸಂಸ್ಥೆಯ ಉದ್ಯೋಗಿಗಳಾದ ಸವಿನಯ, ರಮೇಶ್ ಹಿಡಾಮಣಿ, ಮುದಿತ ಬನ್ಸಿಲ್ ಹಾಗೂ ಚಿರಾಗ್ ಶಿಲಾವಂತ್ ಇವರು ವಿದ್ಯಾರ್ಥಿಗಳಿಗೆ ಕಲಿಕಾ ಸಾಮಗ್ರಿ ವಿತರಿಸಿ ಶುಭ ಹಾರೈಸಿದರು.
ಶಾಲಾ ಎಸ್.ಡಿ.ಯಂ.ಸಿಯ ಅಧ್ಯಕ್ಷರಾದ ಮೋಹನ್ ಗೌಡ ತಾರೆಮಾರು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದರು. ಉಪಾಧ್ಯಕ್ಷರಾದ ರೀತಾ ನಾಳ ಹಾಗೂ ಸದಸ್ಯರುಗಳಾದ ಸೋಮಪ್ಪ ಗೌಡ ಕುಬಾಯಿ, ಪುಷ್ಪಾ ನಾಳ ಉಪಸ್ಥಿತರಿದ್ದರು. ಶಾಲಾ ಮುಖ್ಯೋಪಾಧ್ಯಾಯರಾದ ಪಿಲಿಪ್ ಡೊನಾಲ್ಡ್ ದಿನಲ್ಲೂ ಇವರು ಸ್ವಾಗತಿಸಿ ಸಂಸ್ಥೆಯು ಮಾಡುತ್ತಿರುವ ಸಮಾಜಮುಖಿ ಕಾರ್ಯಕ್ರಮವನ್ನು ಶ್ಲಾಘಿಸಿ ಅಭಿನಂದಿಸಿದರು.
ಸಹಶಿಕ್ಷಕಿ ಕವಿತಾ, ಜಲಜಾಕ್ಷಿ.ಪಿ ಹಾಗೂ ಗೌರವ ಶಿಕ್ಷಕಿ ಮೀನಾಕ್ಷಿಯವರು ಸಹಕರಿಸಿದರು. ಹರೀಶ್ ರಾವ್ ನಾಳ ಹಾಗೂ ಚಂದ್ರಶೇಖರ ರಾವ್ ಬೆಂಗಳೂರು ಇವರು ಸಂಸ್ಥೆಯ ಪ್ರಯೋಜನ ದೊರಕಿಸಿಕೊಡಲು ಮುತುವರ್ಜಿ ವಹಿಸಿದ್ದರು.
ಸಹಶಿಕ್ಷಕಿ ಸಿಸಿಲಿಯಾ ಫ್ಲಾವಿಯಾ ಡಿಕೋಸ್ಕರವರು ಕಾರ್ಯಕ್ರಮ ನಿರೂಪಿಸಿದರು. ಸಹಶಿಕ್ಷಕಿ ದಮಯಂತಿ ಯಂ. ರವರು ಧನ್ಯವಾದವಿತ್ತರು.
